Administrata e Shteteve të Bashkuara të Amerikës iu kanë bërë thirrje qytetarëve të saj që të largohen nga Ukraina për shkak të mundësisë së shpërthimit luftës me Rusinë.
Por, në mesin e shtetasve amerikanë një prej tyre po refuzon ta bëjë një gjë të tillë.
34 vjeçari Alphonsine Williams, nga Washingtoni po jeton në Kiev që nga viti 2014-të.
Ai erdhi në vend gjatë protestave të vitit 2014 që rrëzuan një qeveri pro-ruse, ra në dashuri dhe u martua me të dashurën e tij ukrainase, Valeria.
Tani çifti thonë se janë të vetëdijshëm për tensionet që mund të çojnë në një përshkallëzim me Rusinë, por kanë bërë zgjedhjen e tyre për të qëndruar për aq kohë sa të munden në Kiev.
Williams, i cili drejton një biznes IT në Ukrainë, tha se Ambasada e SHBA në Kiev e kontaktoi atë për ta paralajmëruar për përkeqësimin e mundshëm të situatës së sigurisë.
“Pra, është gruaja ime, qeni ynë, familja jonë e gjerë. Pra, padyshim, si amerikane, e di, OK, mund të shkoj. Ndoshta mund të kem gruan time. Ajo mund të vijë me mua. Ndoshta nëse do të merrnim edhe qenin. Por ju nuk doni të largoheni, ju e dini, Babushka (gjyshe në ukrainisht) ju nuk largoheni, ju e dini, vëllezër dhe motra,” tha Williams.
Williams, megjithatë nuk e minimizoi kërcënimin e një pushtimi rus. Ai tha se ishte plotësisht i vetëdijshëm se çifti mund të mbetej i bllokuar në Kiev.
“Gjëja më e vështirë është ndoshta të dimë se kur të largohemi sepse ne nuk duam të largohemi,” tha ai.
“Kur të themi, në rregull, merr “çantën” dhe le të ikim nga këtu? Por ti dëshiron të mbash për aq kohë sa të mundesh.”
Administrata Biden për javë të tëra ka paralajmëruar se Rusia mund të pushtojë Ukrainën së shpejti.
Rusia ka vendosur mbi 100 mijë trupa pranë kufirit me Ukrainën dhe ka dërguar trupa në stërvitje në Bjellorusinë fqinje, por mohon se ka ndërmend të nisë një ofensivë kundër Ukrainës.
