Duket se një përballje ushtarake mes Rusisë dhe Ukrainës është tashmë në fillimet e saj.
NATO ka njoftuar tërheqjen e stafit nga Kievi. Përmes një deklarate aleanca e Atlantikut Verior bën me dije se po tërhiqen nga kryeqyteti ukrainas.
"Siguria e stafit tonë është e rëndësishme, ne e kemi zhvendosur stafin në Lviv dhe Bruksel," tha një zëdhënës në Bruksel, duke vënë në dukje se zyrat e tjera të Aleancës Atlantike në Ukrainë mbeten funksionale.
NATO nuk dha detaje mbi numrin e personave të transferuar. Misioni i saj diplomatik në Kiev, një nga më të mëdhenjtë në një vend që nuk është pjesë e Aleancës, ka një staf prej disa dhjetëra personash.
