Ambasadorja e Italisë në Australi thuhet se ka vdekur pasi ka rënë nga një ballkon në qytetin e saj të lindjes.
Mediat italiane të dielën raportuan se ambasadorja Francesca Tardioli u gjet e vdekur jashtë një shtëpie në veri të Romës.
Vdekja e saj është duke u hetuar nga autoritetet lokale, thonë raportet.
Ambasadorja e Australisë në Itali, Margaret Twomey, vajtoi humbjen e Tardioli në rrjetet sociale.
“Lajm tronditës për ndarjen nga jeta të ambasadores Francesca Tardioli. E dashur mike. Kolege brilante. Diplomate shumë e respektuar”, shkroi ajo në Twitter të dielën mbrëma.
Ajo e përshkroi Tardiolin si një nga dhuratat më të mëdha të Italisë për Australinë.
Faqja e internetit e Ambasadës Italiane në Australi e përshkruan Tardiolin si një diplomate të lartë që mbante postin e ambasadores që nga shtatori 2019.
Ajo zotëronte rrjedhshëm anglisht dhe frëngjisht me njohuri të mira të gjuhës gjermane dhe spanjolle, thotë uebfaqja.
