Kina, një nga shtetet e pakta që ka mbështetur Rusinë në agresionin e saj ushtarak kundrejt Ukrainës, ka hequr të gjitha kufizimet për importin nga Rusia.
Lajmin e ka raportuar South China Morning Post, duke cituar Administratën e Përgjithshme të Doganave të vendit.
Njoftimi u bë publik të enjten, disa orë pasi Rusia filloi agresionin e saj ushtarak në Ukrainë.
Përveç Kinës, edhe Korea e Veriut dhe Kuba, dy shtete komuniste, kanë përkrahur Rusinë në agresionin e saj ushtarak në Ukrainë.
Ndërkaq, Perëndimi ka vendosur sanksione të ashpra ekonomike ndaj regjimit të Putinit.
