(E plotësuar 19:15) -Pamje pas sulmit ndaj kullës televizive në Kiev
Të paktën pesë persona janë vrarë pas sulmit ndaj një kulle televizive në Kiev të Ukrainës.
Më poshtë mund të shikoni disa pamje të incizuara pas këtij sulmi, që Minsitria e Jashtme ukrainase e ka quajtur akt barbar.
Zelensky: Duhet ta ndalojmë agresorin sa më shpejt që të jetë e mundur
Presidenti i Ukrainës, Volodymyr Zelensky, e ka falënderuar homologun e tij amerikan, Joe Biden, për mbështetjen që po i jep shtetit të tij, që po përballet me agresionin rus.
Zelensky tha se gjatë bisedës telefonike me Biden, dy liderët kanë diskutuar për sanksionet kundër Rusisë dhe për mbështetjen ndaj Ukrainës.
Just had a conversation with @POTUS. The American leadership on anti-Russian sanctions and defense assistance to Ukraine was discussed. We must stop the aggressor as soon as possible. Thank you for your support!
— Володимир Зеленський (@ZelenskyyUa) March 1, 2022
“Ne duhet ta ndalojmë agresorin sa më shpejt që të jetë e mundur. Faleminderit për ndihmën tuaj”, ka shkruar ai në një postim në Twitter.
Të paktën pesë persona kanë vdekur në sulmin në kullën televizive
Të paktën pesë persona u vranë në sulmin në një kullë televizive në Kiev, sipas mediave rajonale, raporton Focus.de transmeton "Bota sot".
Pesë të tjerë u plagosën. Sipas shërbimit ukrainas të urgjencës, dy raketa goditën një ndërtesë pranë kullës televizive dhe i vunë flakën, zjarri është shuar më pas.
Kryebashkiaku Vitali Klitschko paralajmëroi qytetarët e metropolit përmes kanalit të lajmeve Telegram dhe e përshkroi situatën si "kërcënuese".
"Armiku dëshiron të pushtojë zemrën e vendit tonë. Por ne do të luftojmë dhe nuk do të heqim dorë nga Kievi," tha kryebashkiaku i kryeqytetit ukrainas. Ai gjithashtu paralajmëroi kundër panikut dhe informacioneve të rreme.
Klerikët ortodoksë rusë bëjnë thirrje për ndaljen e luftës në Ukrainë
Në një lëvizje të pazakontë, përmes një letre të hapur, më 1 mars dhjetëra klerikë ortodoksë rusë kanë bërë thirrje për ndalje të menjëhershme të luftës në Ukrainë.
Afro 60 klerikë ortodoksë thanë se “respektojnë lirinë e çdo personi që ia ka dhënë Zoti”, duke shtuar se populli i Ukrainës “duhet të marrin vendimet vet, jo nën grykën e pushkës dhe pa presion as nga Perëndimi e as nga Lindja”.
Në letër u tha se klerikët “vajtojnë” për vuajtjet “që u janë imponuar në mënyrë të pamerituar vëllezërve dhe motrave tona në Ukrainë”.
Është e pazakontë që një numër kaq i madh i klerikëve fetarë të Kishës Ortodokse kaq hapur po sfidojnë Qeverinë e presidentit, Vladimir Putin. Në vitet e fundit, Kisha Ortodokse Ruse dhe lideri i saj, Patriarku Kirill, i cili nuk e ka nënshkruar këtë letër, kanë mbështetur plotësisht politikat e Putinit.
“Ne u bëjmë thirrje palëve për dialog sepse nuk ka alternativë tjetër për dhunën”, u tha në letër. “Vetëm aftësia për të dëgjuar palën tjetër na jep ne shpresë për të dalë nga humnera në të cilën kanë rënë vendet tona disa ditë më parë. Lejoni veten dhe të gjithë ne që të hyjmë në Kreshmën e Pashkëve me frymën e besimit dhe dashurisë. Ndaloni luftën”.
Ende nuk ka pasur ndonjë koment apo reagim nga patriarku Kirill apo zyrtarët rusë.
Publikohet harta që tregon zonat ku rusët po sulmojnë në Ukrainë
Në Ukrainë vijon sot dita e gjashtë e luftimeve, pasi Vladimir Putin vendosi më 24 shkurt të pushtojë vendin, duke cenuar sovranitetin e një shteti të pavarur.
Kolona të gjata me mjete luftarake të Rusisë u publikuan sot në mediat e huaja, teksa tregonin se po futeshin drejt Kievit, raporton BBC.
Ndërsa, së fundmi Ministria e Mbrojtjes Britanike ka publikuar hartën, që tregon zonat ku rusët po sulmojnë në Ukrainë.
Rusia kryen sulmin e paralajmëruar, bombardon antenën e televizioneve në Kyiv
Gazeta ukrainase “The Kyiv Indepedent” ka raportuar se para pak minutave Rusia ka bombarduar antenën e televizioneve në kryeqytetin e Ukrainës.
Siç shkruan gazeta ukrainase, televizionet ukrainase kanë ndaluar se punuari disa minuta më herët.
Edhe gazetari ukrainas Ilia Ponomarenko ka publikuar pamjet e këtij sulmi të Rusisë, duke thënë se Rusia po tenton të ndërprejë komunikimin në Ukrainë.
Ky sulm vjen vetëm pak minuta pasi zyrtarë të Rusisë u kishin paralajmëruar se do të godasin në disa caqe në kryeqytetin e Ukrainës, përfshirë edhe sistemin e komunikimit të Ukrainës.
Ndaj kësaj kishte reaguar ministri i Mbrojtjes së Ukrainës, duke thënë se një gjë të tillë Rusia e synon me qëllim që pastaj të përhap lajme të rreme kinse “pushteti në Ukrainë është pranuar të kapitullojë”.
Russians are destroying the Kyiv TV Tower.
— Illia Ponomarenko (@IAPonomarenko) March 1, 2022
They are trying to cut us off from communications. pic.twitter.com/ppi264K5Jf
Ministri turk i Mbrojtjes ka një kërkesë urgjente për homologun rus
Ministri turk i Mbrojtjes, Hulusi Akar, i ka kërkuar homologut të tij rus, Sergei Shoiku armëpushim të menjëhershëm në Ukrainë.
Akar ka kërkuar që për shkaqe humanitare nevojitet një armëpushim dhe këtë ia ka përcjellur homologu rus, shkruan The Guardian.
Në një telefonatë, Akar i tha Shoigut se Turqia do të vazhdojë përpjekjet për paqen rajonale dhe dërgesat e ndihmave humanitare, njofton ministria turke e Mbrojtjes.
Turqia vend anëtar i NATO-s, kufizohet me Ukrainën dhe Rusinë në Detin e Zi dhe ka raporte të mira me dy vendet.
Të hënën Turqia deklaroi se ka kërkuar nga shtetet që të mos kalojnë nëpër ngushticat e saj për në Detin e Zi nën paktin e vitit 1936, duke kufizuar kalimin e disa anijave luftarake ruse.
Shpërthim i fuqishëm në Kiev
Një shpërthim i fuqishëm është dëgjuar në Kiev. Mediat në Ukrainë bëjnë të ditur se sirenat e sulmit ajrorë dëgjohen thuajse në të gjithë vendin.
Alarmi shërben si një thirrje për banorët që të shkojnë në strehën më të afërt për t’u mbrojtur, ndërsa në rrugët kryesore të qytetit qëndrojnë ushtarët dhe vullnetarët e rekrutuar, që i bëjnë ballë forcës së armikut.
Kujtojmë se Rusia ka mësyrë drejt Ukrainës të enjten e 24 shkurtit, duke shkaktuar që prej asaj dite qindra të vrarë. Ukraina pretendon se edhe ata kanë zënë rob shumë ushtarë rusë, si dhe kanë shkatërruar tanke, avionë, helikopterë dhe artileri të rëndë të armikut. Dje, në Bjellorusi, u zhvillua një takim mes delegacioneve të dy vendeve, me qëllim vendosjen e armëpushimit. Por, deri më tani, një marrëveshje nuk është arritur dhe luftimet e ashpra janë duke u zhvilluar në shumë territore.
Media shtetërore kineze: Pekinit “i vjen keq” për konfliktin Rusi-Ukrainë
Ministri i Jashtëm kinez ka biseduar të martën me homologun e tij ukrainas dhe ka bërë thirrje për zgjidhjen e krizës përmes negociatave, raportoi media shtetërore kineze.
Ky njoftim vjen teksa Pekin është vendosur në një pozicion të vështirë diplomatik, pasi aleatja e tij e ngushtë, Moska nisi pushtimin e Ukrainës.
Ministri i Jashtëm kinez, Wang Yi, i ka thënë homologut të tij ukrainas, Dmytro Kuleba se Pekinit “i vjen shumë keq për shpërthimin e konfliktit midis Ukrainës dhe Rusisë dhe po i kushton shumë vëmendje dëmit që po përjetojnë civilët”, raportoi transmetuesi shtetëror CCTV.
Sipas medias shtetërore kineze, Wang u bëri thirrje të dy shteteve që të “gjejnë mënyrë që ta zgjidhin këtë çështje përmes negociatave”.
Greqia bën thirrje për mbështetjen e refugjatëve ukrainas
Greqia, që ka adoptuar politika të ashpra kundër migrantëve, të martën bëri thirrje për të ndihmuar refugjatët ukrainas pasi më shumë se 1,000 persona arritën nga Ukraina, shtet që po përballet me pushtimin rus.
“Ne jemi të gatshëm të mirëpresim refugjatët nga Ukraina, sikurse e gjithë Evropa, dhe u bëjmë thirrje të gjitha organizatave joqeveritare që mbështesin refugjatët... të ndërmarrin hapa për t’i ndihmuar ata”, tha kryeministri grek, Kyriakos Mitsotakis, gjatë një debati parlamentar lidhur me krizën në Ukrainë.
Mitosatkis tha të martën se presidenti rus, Vladimir Putin, është “një autokrat që dëshiron të rivizatojë vetë kufijtë”.
Rusia godet qytetin numër 2 të Ukrainës
Sulmet ruse goditën sheshin qendror në qytetin e dytë më të madh të Ukrainës dhe vende të tjera civile të martën, në atë që presidenti i vendit e dënoi si një fushatë të hapur terrori nga Moska, raporton AP news transmeton "Bota sot".
“Askush nuk do të falë. Askush nuk do të harrojë”, u zotua Presidenti Volodymyr Zelenskyy.
Në të njëjtën kohë, një kolonë prej 40 miljesh me qindra tanke dhe automjete të tjera ruse përparoi drejt kryeqytetit, Kiev, në atë që Perëndimi druhej se ishte një përpjekje për të rrëzuar qeverinë e Ukrainës dhe për të vendosur një regjim miqësor ndaj Kremlinit.
Forcat e presidentit rus Vladimir Putin shtynë sulmin e tyre në qytete të tjera anembanë vendit, duke përfshirë portet strategjike të Odesës dhe Mariupolit në jug.
Dita e 6-të e luftës më të madhe tokësore në Evropë që nga Lufta e Dytë Botërore e gjeti Rusinë gjithnjë e më të izoluar nga sanksionet e ashpra ekonomike që e kanë shkatërruar ekonominë e saj dhe e kanë lënë vendin praktikisht pa miq, përveç Kinës dhe Bjellorusisë.
Sheshi i Lirisë në Kharkiv - sheshi më i madh i Ukrainës dhe bërthama e jetës publike për qytetin - u godit me atë që besohej të ishte një raketë, në një sulm që u pa nga shumë ukrainas si provë e pacipë se pushtimi rus nuk ishte vetëm për të goditur ushtrinë objektivat por edhe për thyerjen e shpirtit të tyre.
Greva shpërtheu dritaret dhe muret e ndërtesave që rrethojnë sheshin qendror masiv, i cili ishte grumbulluar me mbeturina dhe pluhur.
Brenda një ndërtese, copa suvaje ishin shpërndarë dhe dyert, të shkëputura nga menteshat e tyre, shtriheshin nëpër korridore.
“Njerëzit janë nën rrënoja. Ne kemi nxjerrë trupat”, tha Yevhen Vasylenko, përfaqësues i Ministrisë së Situatave Emergjente në rajonin e Kharkiv.
Përveç gjashtë të vrarëve, 20 u plagosën në sulm, tha ai. Zelenskyy e quajti sulmin në sheshin kryesor të Kharkivit "terror i sinqertë dhe i pambuluar", duke fajësuar një raketë ruse dhe duke e quajtur atë një krim lufte.
"Ky është terrorizëm shtetëror i Federatës Ruse," tha ai. Në një thirrje emocionale drejtuar Parlamentit Evropian më vonë, Zelenskyy tha: “Ne po luftojmë gjithashtu që të jemi anëtarë të barabartë të Evropës. Besoj se sot po u tregojmë të gjithëve këtë që jemi”. Ai tha se 16 fëmijë ishin vrarë të hënën dhe ai u tall me pretendimin e Rusisë se ajo po ndjek vetëm objektivat ushtarakë. “Ku janë fëmijët, në çfarë fabrikash ushtarake punojnë? Në cilat tanke po shkojnë ata, duke lëshuar raketa lundrimi?” tha Zelenskiy.
Rusia paralajmëron se do të godasë shënjestrat në Kiev
Ministrja ruse e Mbrojtjes ka lëshuar një paralajmërim për banorët e Kievit, duke thënë se po përgatitet për të goditur shënjestrat në kryeqytetin ukrainas.
Në një deklaratë të lëshuar të martën, zyrtarët rusë kanë thënë se forcat e tyre janë të përgatitura për të nisur “sulme shumë të sakta” kundër qendrave teknologjike të Shërbimit ukrainas të Sigurisë.
“Ne u bëjmë thirrje qytetarëve ukrainas që janë duke u shfrytëzuar nga nacionalistët për të kryer provokime kundër Rusisë, ashtu sikurse banorëve të Kievit që jetojnë afër këtyre zonave, që të largohen nga shtëpitë e tyre”, është thënë në deklaratë.
Zyrtarët kanë pretenduar se sulmet janë duke u kryer për të “parandaluar sulmet kundër Rusisë”.
Maqedonia e Veriut nis zbatimin e sanksioneve ndaj Rusisë
Maqedonia e Veriut ka nisur të zbatojë sanksionet ndaj Rusisë prej 1 marsit, duke përfshirë mbylljen e hapësirës ajrore për të gjitha fluturimet nga Rusia, ka bërë të ditur Ministri i Punëve të Jashtme, Bujar Osmani.
Një vendim tjetër është ai i dërgimit të ndihmës ushtarake dhe asaj humanitare.
Qeveria u ka bërë thirrje edhe kompanive private që të përfshihen në dërgimin e ndihmave ndërsa operatorëve kabllorë u ka rekomanduar që të ndalojnë transmetimin e të gjitha mediave ruse në programet e tyre, si masë për t’u përballur me dezinformatat dhe propagandën ruse lidhur me agresionin në Ukrainë.
Maqedonia e Veriut ka ftuar shtetasit e saj që të largohen nga Ukraina ku besohet se qëndrojnë rreth 50 persona.
Një thirrje të ngjashme ka bërë edhe për shtetasit që jetojnë në Rusi.
Dita e gjashtë e luftës në Ukrainë
Ligjvënësit amerikanë besojnë se “më e keqja e luftës” nuk është parë ende.
Rusët bombardojnë ndërtesën e Qeverisë në Kharkiv
Forcat ruse e kanë bombarduar ndërtesën qeveritare, në qytetin e dytë më të madh të Ukrainës. Aty janë vrarë së paku 11 civilë, ndërsa është rritur numri i tankëve ruse që ia kanë mësyrë kryeqytetit ukrainas, Kyivit, raporton the Guardian.
Rusia ka rritur agresionin në 24-orët e fundit, duke e targetuar kryesisht Kyivin dhe qytetin tjetër më të madh, Kharkivin.
Ka pasur shpërthime në sheshin kryesor të këtij qyteti, ndërsa raportohet se atje është gjuajtur edhe ndërtesa e Qeverisë.
Në Kharkiv, për 24 orë janë vrarë shumë civilë, ndërsa mijëra të tjerë janë plagosur. Gjatë natës, autoritetet ukrainase ka konfirmuar se janë vrarë edhe 70 ushtarë të saj në Kharkiv, nga një sulm i Rusisë.
Edhe Presidenti ukrainas, Volodymyr Zelenksy ka thënë se Kyivi dhe Kharkivi janë targeti kryesor i rusëve. Ai e ka quajtur terror dhe krime të luftës ato që po bëhen në qytetin e Kharkivit.
Ndërkaq, Ministria e Mbrojtjes ka thënë se Kharkivi është qytet heroik, i cili është mbajtur heroikisht dhe gjatë Luftës së Dytë Botërore. Sulmet e fundit të Putinit në këtë qytet, i krahasojnë me ato të Hitlerit.
Medvedev i kundërpërgjigjet Francës për “luftë ekonomike” kundër Rusisë
Zyrtari i lartë i sigurisë së Rusisë, Dmitry Medvedev u është përgjigjur të martën komenteve të ministrit francez të Financave, Bruno Le Maire, i cili është zotuar për nisje të luftës ekonomike dhe financiare kundër Rusisë.
“Sot, një ministër francez ka thënë se do të shpallin luftë ekonomike ndaj Rusisë. Kujdes gjuhën ti zotëri! Dhe mos harro që në historinë njerëzore, luftërat ekonomike shpesh janë kthyer në luftëra të vërteta”, ka thënë Medvedev, ish-president rus, përmes një postimi në Twitter.
Më herët gjatë ditës së martë, Le Maire i ka thënë radios France Info se “ne do krijojmë luftë ekonomike dhe financiare kundër Rusisë”, për shkak të pushtimit të Ukrainës.
Shërbimi i emergjencës: Të paktën 10 të vrarë në sulmet në Harkiv
Të paktën 10 persona kanë vdekur dhe 20 janë plagosur, si pasojë e sulmeve në qendër të qytetit Harkiv, kanë raportuar mediat.
Dhjetëra tjerë besohet se kanë mbetur nën rrënoja.
Largimi është “një rrezik i madh”, thotë banori i Kievit
Shumë banorë të Kievit kanë mbetur sfidues, megjithë avancimin e një kolone të madhe me automjete të blinduara, tanke dhe artileri ruse. Një grua, Olesia Sira, tha se kishte vendosur të qëndronte në kryeqytet në vend që të ikte jashtë vendit.
"Të gjithë thonë: Ne mund t'ju ndihmojmë. Mos u shqetësoni. Ka një vend për të qëndruar. Ka një makinë, ka një tren." Por çdo gjë mund të ndodhë me ju gjatë rrugës”, shkruan BBC, përcjell “Bota sot”.
"Kam dëgjuar se disa njerëz u qëlluan duke vozitur nga Kievi në kufi. Kështu që ne nuk mund të rrezikojmë ta bëjmë këtë. Ekziston një rrezik i madh. Ndihem më i sigurt në shtëpinë time ose në strehën e bombave pranë meje, në vend që të udhëtoj diku, as nuk e di se ku do të fle".
Olesia tha se ajo ishte inkurajuar gjithashtu nga "sa e fortë është ushtria... dhe sa të bashkuar janë njerëzit".
"Çdo ukrainas është i gatshëm të ndihmojë në çfarëdo mënyre që mundet... Kjo më bën të kuptoj se ne jemi më të fortë se kurrë si vend."
***
Lavrov: Rusia duhet ta ndalë Ukrainën nga grumbullimi i armëve bërthamore
Ministri i Jashtëm rus, Sergei Lavrov ka thënë në Konferencën e Kombeve të Bashkuara për Çarmatim në Zvicër se është koha që armët bërthamore amerikane që gjenden në Evropë, të nisen në shtëpi.
Lavrov është pritur që do të marrë pjesë me prezencë fizike në Gjenevë, mirëpo ndalesat në udhëtime e kanë pamundësuar këtë gjë.
Në një fjalim të incizuar paraprakisht, ai ka thënë se Rusia është e gatshme të bisedojë për stabilitetin strategjik me Shtetet Bashkuara, mirëpo ka paralajmëruar se Perëndimi nuk duhet të dërgojë objekte ushtarake në shtetet e ish-Bashkimit Sovjetik.
Ai po ashtu ka ofruar një arsyetim të ri për pushtimin rus në Ukrainë – për të parandaluar Ukrainën nga grumbullimi i armëve bërthamore.
Të udhëhequr nga Ukraina, shumë ambasadorë, përfshirë ata nga Mbretëria e Bashkuara, Gjermania, Australia, Kanadaja, Shtetet e Bashkuara dhe Bashkimi Evropian janë larguar nga salla kur Lavrov ka mbajtur fjalimin.
Ministri rus pritet të flasë sërish – përmes video lidhjes – në Këshillin e OKB-së për të Drejta të Njeriut.
NATO thërret Rusinë t’i japë fund menjëherë luftës në Ukrainë
Sekretari i Përgjithshëm i NATO-s, Jens Stoltenberg, i ka bërë thirrje Moskës që ta përfundojë luftën në Ukrainë dhe t’i tërheqë të gjitha trupat ushtarake.
Ai ka ripërsëritur se aleanca nuk do të dërgojë trupa dhe armë në mbështetje të Kievit, pasi që nuk do që të bëhet pjesë e konfliktit.
“Sulmi rus është totalisht i papranueshëm dhe është duke u bërë i mundur nga Bjellorusia”, ka thënë Stoltenberg.
“NATO është aleancë mbrojtëse, ne nuk synojmë konflikt me Rusinë. Rusia duhet që menjëherë ta ndërpresë luftën, t’i tërheqë të gjitha trupat nga Ukraina dhe të angazhohet në mirëbesim për rrugët diplomatike.
Qytetarët e Kupiansk mundohen ta ndalin me duar automjetin ushtarak rus
Një video e shpërndara nga zv. Ministria e jashtme e Ukrainës tregon pamjet ku qytetar të paarmatosur të qytetit të Kupiansk, rajoni i Kharkiv, mundohen ta ndalojnë që të hyjë në qytet një automjet ushtarak i forcave ruse.
“Me ose pa armë në duar, ukrainasit bëjnë gjithçka që munden për të ndaluar agresorët rusë” shkroi ai.
Ndryshe qyteti Kharkiv, ishte sot në mëngjes cak I sulmeve me raketa të ushtrisë ruse.
Shërbimi i Urgjencës I këtij qyteti njoftoj se 6 persona u plagosën në sulmin me raketa në qendër të Kharkiv, duke përfshirë një fëmijë.
Kupiansk, Kharkiv region. With or without weapons in hands, Ukrainians do whatever they can to stop Russian aggressors. Glory to Ukraine! Glory to the heroes!#StandWithUkriane#StopRussianAgression pic.twitter.com/LxrLJ7NVdF
— Emine Dzheppar (@EmineDzheppar) March 1, 2022
Sulmi me raketa goditi Sheshin e Lirisë në Kharkiv duke dëmtuar ndërtesën e administratës së Rajonit të Kharkiv.
Pas sulmit në Harkivit, deklarohet Zelensky - kjo është porosia e tij
Sulmet në Kharkiv, Presidenti i Ukrainës Volodymyr Zelensky i quan terroizëm shtetëror të kryer nga Rusia.
Duke iu drejtuar Parlamentit Evropian përmes videolidhjes, Volodymyr Zelensky e quan goditjen e Rusisë në qendër të Kharkiv dhe ndërtimin e administratës një krim lufte dhe një shkatërrim të vetëdijshëm të njerëzve, shkruan CNN, përcjell “Bota sot”.
"E keqja, e armatosur me raketa, bomba dhe artileri, duhet të ndalet menjëherë. Të shkatërrohet ekonomikisht. Ne duhet të tregojmë se njerëzimi është në gjendje të mbrojë veten," thotë ai.
Më herët ai postoi një fotografi ku ai tha se e tregon atë duke nënshkruar një kërkesë për anëtarësimin e Ukrainës në Bashkimin Evropian.
***
OKB: 136 civilë të vrarë në Ukrainë, përfshirë 13 fëmijë
Kombet e Bashkuara kanë konfirmuar se 136 civilë janë vrarë në Ukrainë gjatë gjashtë ditëve të luftës, duke përfshirë 13 fëmijë.
400 civilë të tjerë janë plagosur pasi trupat ruse lëshojnë raketa në zonat e banuara. Këtu përfshihen edhe 26 fëmijë të tjerë, shkruan SkyNews.
Liz Throssell, zëdhënëse e Komisionerit të Lartë të OKB-së për të Drejtat e Njeriut, tha se shumica e këtyre viktimave ishin rezultat i “armëve shpërthyese me një zonë të gjerë ndikimi”.
Ajo shtoi: “Këto janë vetëm viktimat që ne mundëm t’i kontrollonim dhe numri i vërtetë ka të ngjarë të jetë shumë më i lartë”.
***
Britania e Madhe ashpërson sanksionet kundër Rusisë
Gjatë konferencës për shtyp në Poloni, Boris Johnson shton se Vladimir Putin ka nënvlerësuar "dëshirën pasionante" të popullit ukrainas për të mbrojtur vendin e tyre, raporton BBC, përcjell Bota sot.
Ai vlerëson gjithashtu udhëheqjen dhe "guximin" e presidentit ukrainas Volodymyr Zelensky, i cili thotë se ka mobilizuar vendin e tij dhe botën në mes të pushtimit rus.
Putin, thotë Johnson, ka nënvlerësuar gjithashtu "unitetin dhe vendosmërinë" e Perëndimit, duke thënë se do të vazhdojë "presionin ekonomik" mbi Rusinë përmes sanksioneve.
Ai argumenton se është një nga paketat më të fuqishme të sanksioneve kundër Rusisë - dhe në të vërtetë çdo vendi - në vitet e fundit, dhe se është e qartë se ka një efekt.
Mbretëria e Bashkuar është "gati të intensifikohet dhe të vazhdojë për aq kohë sa të duhet", shton ai.
Johnson: Putin po përdor taktika barbare kundër civilëve
Kryeministri i Mbretërisë së Bashkuar Boris Johnson ka mbajtur një konferencë shtypi në Varshavë me kryeministrin polak Mateusz Morawiecki.
Johnson thotë se "tragjedia" që Britania e Madhe dhe të tjerët parashikuan tani ka ndodhur me pushtimin e Ukrainës nga Vladimir Putin - dhe nëse ka ndonjë gjë është më e keqe se sa pritej, raporton BBC, përcjell Bota sot.
Ai e quan atë një fatkeqësi të shpalosur në kontinentin evropian, me Poloninë gjithashtu në vijën e parë.
Johnson shton se "është e qartë se Putini është i përgatitur të përdorë taktika barbare dhe pa dallim kundër civilëve të pafajshëm për të bombarduar blloqe kullash, për të dërguar raketa në blloqe kullash për të vrarë fëmijë".
Johnson ka qenë në Poloni dhe po takohet me aleatët kryesorë evropianë në Poloni për të diskutuar pushtimin e Rusisë në Ukrainë.
OKB: Më shumë se 660,000 refugjatë ikin nga Ukraina
Më shumë se 660,000 refugjatë i kanë ikur luftës në Ukrainë për të kërkuar strehim në shtetet fqinje, ka thënë Agjencia e Kombeve të Bashkuara për Refugjatë.
“Ne kemi tani 660,000 refugjatë që kanë ikur në shtetet fqinje të Ukrainës në gjashtë ditët e fundit”, ka thënë zëdhënësja, Shabia Mantoo para gazetarëve në Gjenevë.
“Numrat janë duke u rritur shpejt. Në këtë shkallë, situata mund të kthehet në krizën më të madhe të refugjatëve në Evropë këtë shekull”
Trupat ruse futen në Kherson
Hennadiy Lahuta, kreu i Administratës Rajonale Kherson, tha se trupat ruse po përparojnë nëpër qytet.
Ata po planifikojnë të përdorin civilët si mburoja njerëzore, raporton The Kyiv Independent, përcjell Bota sot.
Sirenat e sulmit ajror dhe shpërthime të forta mund të dëgjoheshin në të gjithë qytetin.
Ndërsa që rusët më herët kanë goditur me raketa Kharkiv, i cili është qyteti i dytë më i madh i Ukrainës./BS/
Punonjësit e urgjencës në Kharkiv kërkojnë nëpër rrënoja për personat që kanë mbetur brenda
Zyrtarët e urgjencës në qytetin e Kharkiv thonë se të paktën 20 persona janë plagosur gjatë bombardimeve të zyrës së administratës shtetërore atje.
BBC nuk mund të verifikojë në mënyrë të pavarur këto pretendime, përcjell “Bota sot”.
Në një video të postuar në Facebook, një punonjës i urgjencës jashtë ndërtesës së dëmtuar rëndë thotë se ajo është shkatërruar pjesërisht dhe shton se një shkallë në një ndërtesë aty pranë është shembur, duke bllokuar njerëzit poshtë saj.
Burri thotë se rreth 20 civilë janë plagosur nga sulmi dhe gjashtë të tjerë janë shëruar, megjithëse është e paqartë nëse ai do të thoshte se njerëzit ishin vrarë.
"Shpëtimtarët po analizojnë rrënojat, duke nxjerrë të plagosurit dhe trupat e të vrarëve. Puna jonë vazhdon," thotë punëtori.
***
Raketat godasin qytetin me rëndësi të veçantë, detaje për Kharkiv
Një shpërthim i madh ka ndodhur në Kharkiv, një vend që ka një rëndësi të veçantë për ukrainasit.
Është qyteti i dytë më i madh i vendit dhe kryeqyteti i parë i Republikës Sovjetike Socialiste të Ukrainës, i krijuar nga bolshevikët, shkruan BBC, përcjell Bota sot.
Ajo është shtëpia e disa prej industrive më të rëndësishme të Ukrainës, duke përfshirë një fabrikë tankesh, si dhe kompani të shumta IT.
Mëngjesin e sotëm, një raketë goditi zemrën e saj në Sheshin e Lirisë, jashtë zyrave të administratës rajonale.
Duke folur menjëherë pas sulmit, kreu i administratës rajonale, Oleh Synehubov, e quajti atë një "krim të pabesë lufte".
Ukraina: Mbi 5,700 trupa ruse të vrarë
Zyrtarët ushtarakë ukrainas kanë pohuar se 5,710 trupa ruse janë vrarë në pesë ditët e para të luftimeve intensive në vend, raporton BBC, përcjell Bota sot.
Në një video-mesazh të postuar në Facebook, një zëdhënës i shtabit të përgjithshëm të vendit shtoi se mbi 200 ushtarë rusë janë kapur rob nga forcat ukrainase.
Zyrtari pohoi gjithashtu se 198 tanke ruse, 29 avionë, 846 automjete të blinduara dhe 29 helikopterë janë shkatërruar.
BBC nuk mund t'i verifikojë në mënyrë të pavarur këto pretendime, por ministria e mbrojtjes e Mbretërisë së Bashkuar beson se forcat e Moskës kanë pësuar humbje të mëdha gjatë pushtimit të Ukrainës.
Të dielën, zyrtarët në Moskë u detyruan të pranojnë se forcat e tyre kishin pësuar viktima, pasi disa ditë pretendonin se asnjë ushtar rus nuk ishte vrarë.
Raketat ruse godasin qendrën e Harkivit
Ministri i Jashtëm ukrainas, Dmytro Kuleba, ka publikuar një video në Twitter, që sipas tij shfaq momentin kur në Harkiv është sulmuar Sheshi Liria.
Ai ka akuzuar presidentin rus, Vladimir Putin për krime lufte dhe ka bërë thirrje që bota ta izolojë Rusinë.
Barbaric Russian missile strikes on the central Freedom Square and residential districts of Kharkiv. Putin is unable to break Ukraine down. He commits more war crimes out of fury, murders innocent civilians. The world can and must do more. INCREASE PRESSURE, ISOLATE RUSSIA FULLY! pic.twitter.com/tN4VHF1A9n
— Dmytro Kuleba (@DmytroKuleba) March 1, 2022
Reagon presidenti Zelensky: Sulmi në Kharkiv është një krim lufte
Presidenti i Ukrainës e ka përshkruar bombardimin e Kharkivit, i cili ka vrarë dhjetëra civilë, si një krim lufte, shkruan BBC, përcjell Bota sot.
Nëntë persona, duke përfshirë tre fëmijë, u vranë të hënën pasi bombat thërrmuese të dyshuara ruse shënjestruan ndërtesa banimi në qytetin e Ukrainës.
Në komentet e bëra përpara sulmit të fundit në qendër të Kharkiv, Volodymyr Zelensky tha se kishte dëshmi të dëshmitarëve okularë të civilëve që ishin shënjestruar qëllimisht.
"Forcat ruse qëlluan brutalisht mbi Kharkiv nga artileria reaktiv," tha Zelensky gjatë një fjalimi natën vonë drejtuar popullit ukrainas.
"Ishte qartë një krim lufte. Qytet paqësor. Zona banimi paqësore. Nuk ka objekte ushtarake. Dhjetra të dhëna të dëshmitarëve okularë dëshmojnë se kjo nuk është një breshëri e vetme e rreme, por shkatërrim i qëllimshëm i njerëzve. Rusët e dinin se ku po qëllonin."
Kryeprokurori i Gjykatës Penale Ndërkombëtare, Karim Khan, ka hapur një hetim mbi pushtimin rus pasi ai tha se besonte se kishte "bazë të arsyeshme" për të besuar se krimet e luftës ose krimet kundër njerëzimit ishin kryer në Ukrainë.
A do t’i bashkohet pushtimit Bjellorusia? Flet Lukashenko
Udhëheqësi i Bjellorusisë, Alexander Lukashenko, ka thënë për mediat shtetërore se forcat e tij nuk do të bashkohen me trupat ruse në pushtimin e Ukrainës.
Lukashenko, i cili është një aleat i ngushtë i Vladimir Putin, tha se “ushtria bjelloruse nuk po merr pjesë në aksione ushtarake dhe kurrë nuk ka marrë pjesë”.
“Ne mund t’ia dëshmojmë këtë kujtdo. Më shumë se kaq, udhëheqja ruse nuk e ngriti kurrë këtë çështje me ne, përfshirjen tonë në konfliktin e armatosur. Dhe ne nuk kemi ndërmend të marrim pjesë në këtë operacion special në Ukrainë në të ardhmen”.
Frika ishte ngritur të hënën se Lukashenko po përgatitej të dërgonte një forcë ushtarake për t’u bashkuar në sulmin në Kiev, shkruan BBC.
Bilanci i humbjeve të forcave ruse në Ukrainë: 5710 viktima, 846 makina të blinduara e 60 tanke
5710 trupa, është bilanci i humbjeve të Rusisë në ditën e gjashtë të sulmit në Ukrainë. Lajmi është konfirmuar këtë të martë nga Ministria e Mbrojtjes e Ukrainës përmes një njoftimi zyrtar.
Po nga i njëjti burim, mësohet se në luftën ndaj Ukrainës, Rusia ka humbur 29 avionë, 29 helikopterë, 198 tanke,
77 artileri, 846 makina të blinduara, 24 makina me sistem lëshimi rakete, 2 anije, 305 makina, 60 tanke, 3 mjete ajrore, 7 makina të tjera.
“Sulme me raketa në zonat e banuara”/ Ministri i jashtëm i Ukrainës: Putin nuk do ta shkatërrojë Ukrainën
Ministri i Jashtëm i Ukrainës Dmytro Kuleba ka bërë një postim në Twitter ku tregon se lagjet e banuara në Kharkiv janë sulmuar me raketa ruse.
Por thekson se presidenti rus nuk do ta shkatërrojë dot Ukrainën, pavarësisht se po sulmon zonat e banuara.
“Sulme barbare me raketa ruse në Sheshin qendror të Lirisë dhe lagjet e banuara të Kharkiv.
Putini nuk është në gjendje të shkatërrojë Ukrainën, ai kryen më shumë krime lufte nga zemërimi, vret civilë të pafajshëm”, shkroi Kuleba.
Rritet frika në Kiev, afrohet kolona ruse, BBC jep detaje
Afrimi i kësaj kolone të madhe të armaturës ruse i ka dhënë një kuptim të ri dhe krejtësisht të tmerrshëm shprehjes që bota po shikon, shkruan BBC, përcjell Bota sot.
Të gjithë anembanë botës mund të shohin që kjo autokolonë është në rrugë e sipër, madje ka raportime se po përforcohet para se të arrijë në qytet.
Përforcues i frikës janë raportet që vijnë nga pjesë të tjera të Ukrainës, se Rusia po rrethon zonat e populluara duke përdorur "taktika mesjetare", zonat përreth dhe duke u mohuar atyre ushqimin, ujin dhe furnizimet thelbësore.
Kur filloi ky pushtim, pritej që do të ishte vetëm çështje ditësh, madje edhe disa orë para se ushtria e fuqishme ruse të futej në Kiev.
Tashmë janë gjashtë ditë dhe Ukraina është ende në këmbë - duke qëndruar në këmbë për shkak të rezistencës së bërë nga ushtria ukrainase, duke përdorur armë dhe municione perëndimore, por edhe e mbrojtur nga qytetarët që po marrin armët, po regjistrohen për forcat e mbrojtjes së lagjes dhe shkojnë në vijat e para.
Por nuk mund të mohohet se kjo autokolonë, edhe nëse është duke u inçuar, po afrohet gjithnjë e më shumë dhe shpërthimet po afrohen gjithnjë e më shumë.
Dikur ishin kryesisht buzë qytetit, mbrëmë ishte aq afër saqë u drodh edhe ndërtesa jonë.
Irani: Ukraina është viktimë e krizave të shkaktuara nga SHBA
Lideri suprem i Iranit, Ayatollah Ali Khamenei, ka thënë të martën se Ukraina “është viktimë e krizave të shkaktuara nga Shtetet e Bashkuara”.
Autoriteti politik i Iranit ka thënë se po ashtu se ky shtet mbështet dhënien fund të luftës në Ukrainë, mirëpo ka shtuar se duhet të pranohen rrënjët e konfliktit.
Khamenei, i cili ka mbajtur një fjalim televiziv, ka thënë se kriza në Ukrainë ka treguar se “Shteteve të Bashkuara nuk duhet besuar".
Të paktën 6 të plagosur nga shpërthimi në Kharkiv, mesin e tyre një fëmijë
Të paktën gjashtë persona u plagosën, duke përfshirë një fëmijë, nga shpërthimi në qytetin e dytë më të madh të Ukrainës, Kharkiv, njoftoi shërbimi i emergjencës shtetërore të Ukrainës.
Shpërthimi shkatërroi një ndërtesë qeveritare, sipas videove të incidentit të postuar nga Ministria e Punëve të Jashtme të Ukrainës (MPJ) dhe zyrtarët e qeverisë ukrainase.
Klipët u postuan në mediat sociale në kohën e të martën lokale dhe janë verifikuar nga CNN, përcjell “Bota sot”.
"Rusia po bën luftë në shkelje të ligjit ndërkombëtar humanitar. Vrasin civilët, shkatërron infrastrukturën civile. Objektivi kryesor i Rusisë është qytetet e mëdha që tani qëllohen nga raketat e saj ", tha MOFA ukrainas përmes një njoftimi në tëitter.
Anton Gerashchenko, këshilltar i Ministrit të Punëve të Brendshme të Ukrainës, gjithashtu ndau një video në llogarinë e tij zyrtare të telegramit të marrë nga niveli i rrugës në Sheshin e Lirisë. Video tregon vendin e shpërthimit, dhe mbeturinat në terren ku ndërtesa rajonale e administratës rajonale Kharkiv dikur qëndronte.
***
“Rusia ka 75% të forcave brenda Ukrainës”
Rusia ka kaluar nga 40% e forcave të saj brenda Ukrainës në rreth 75%, thotë një akademik ushtarak.
Dr Jack Watling është një studiues në fushën e luftës tokësore dhe shkencave ushtarake në Institutin Mbretëror të Shërbimeve të Bashkuara.
Ai tha për programin "Today" të BBC Radio 4 se një trup i madh trupash ruse po përparojnë në jug nga Bjellorusia dhe po fillojnë të vendosin kushtet për të qenë në gjendje të kryejnë një sulm në Kiev, përcjell Bota sot.
I pyetur në lidhje me sugjerimin se Rusia ka përdorur raketa grad në zonat e banuara në Kharkiv, ai i përshkruan këto armë si sisteme raketash të shumta lëshuese që lëshojnë një numër të madh raketash të padrejtuara në një zonë.
Ai thotë se ka gjithashtu prova që disa prej tyre kanë pasur municione thërrmuese.
"Është fakti që ata janë të padrejtuar dhe ju po vendosni sasi të mëdha eksplozivi të lartë në një zonë me popullsi të dendur civile," thotë ai.
Ushtria ukrainase nuk funksionon më në formacione ushtarake, por tani në pozicione mjaft të fiksuara mbrojtëse dhe duke u bërë gjithnjë e më shumë pjesë e mbrojtjes territoriale dhe forcës vullnetare me të cilën po vepron, thotë ai.
Erdogan diskuton me Lukashenkan për luftën në Ukrainë
Zyra e presidentit turk, Recep Tayyip Erdogan, ka thënë se ai ka diskutuar pushtimin rus në Ukrainë me liderin bjellorus, Alyaksandr Lukashenka, i cili njihet si aleat i afërt i Moskës.
Në bisedën telefonike të 1 marsit, diskutimet janë fokusuar në negociatat për armëpushim, të cilat janë mbajtur mes zyrtarëve ukrainas dhe atyre rusë të hënën, 28 shkurt.
Ndonëse në bisedime nuk është arritur marrëveshje, negociatorët kanë thënë se takime të reja do të zhvillohen në ditët në vijim.
Erdogan ka thënë më një ditë më parë se Turqia, si vend anëtar i NATO-s, do të vazhdojë të luajë rol në dhënien fund të luftës që ka hyrë në ditën e gjashtë, që Ankaraja do të vazhdojë të mbajë lidhje me Moskën dhe Kievin, dhe se shteti i tij do të zbatojë traktatin ndërkombëtar që i kufizon qasjen anijeve luftarake ruse në ngushticat turke në Detin e Zi.
Më 28 shkurt, Erdogan ka thënë se pushtimi rus i Ukrainës “është i papranueshëm” dhe se Turqia do të respektojë angazhimet që ka ndaj Aleancës, ndonëse nuk do të shpërfillë “interesat rajonale” në rajon.
Presidenti turk ka thënë se shteti i tij nuk do t’ia kthejë shpinën asnjërit shtet.
Ankaraja ka lidhje të ngushta me Rusinë në sektorët e energjisë dhe mbrojtjes, mirëpo Ukrainës i ka shitur dronë dhe ka nënshkruar marrëveshje për bashkëprodhim.
Zëvendëskryeministri i Britanisë: Kjo luftë do të kthehet në një fatkeqës të rrezikshme për Putinin
Zëvendëskryeministri i Britanisë, Dominic Raab ka thënë se kushdo që përfshihet në krime lufte në Ukrainë do të mbahet përgjegjës.
“Kjo po kthehet në një fatkeqësi shumë më të rrezikshme për Putinin nga sa mendoj se ai e kuptoi”, tha Dominic Raab për Sky News.
"Unë mendoj se ne kemi qenë shumë të qartë se ata që përfshihen në krime lufte do të mbahen para përgjegjësisë."
Raab shtoi se Britania nuk do të kërkonte të zbatonte një zonë ndalim-fluturimi mbi Ukrainë dhe tha se konflikti nuk do të përfundonte edhe nëse Rusia do të arrinte të pushtonte Kievin.
Ndërtesa e qeverisë Kharkiv është shënjestruar nga raketat
Kharkiv është nën sulm përsëri të martën në mëngjes. Pamjet televizive lokale në mediat sociale tregojnë një raketë ose bombë që shpërtheu jashtë një ndërtese të identifikuar nga Kyiv Independent si selia e qeverisë rajonale.
Missile attack on the Kharkiv regional administration. Grad shelling at residential areas. Another proof Putin is the ultimate evil. #StopRussia #StopRussianAggression #RussiaInvadedUkraine pic.twitter.com/l5nlP6liui
— Stratcom Centre UA (@StratcomCentre) March 1, 2022
Dita e gjashtë e pushtimit, sinjale alarmi në të gjithë Ukrainën, ushtria ruse avancon drejt Kievit
Sirenat e alarmit kanë rënë në orët e para të mëngjesit të sotëm në Ukrainë.
Përveç Kievit, alarmet janë duke rënë në qytetet perëndimore të Ternopil, Vinnytsia, Rivne, si dhe qytetet qendrore të Cherkasy dhe Kropyvnytskyi, sipas shërbimit ukrainas të BBC-së.
Është dita e gjashtë e pushtimit rus të Ukrainës.
Ushtria ruse vazhdon avancimin e saj të qëndrueshëm në Kiev, me imazhe satelitore që dallojnë një kolonë të blinduar që duket të jetë rreth 65 km e gjatë.
Trupat ruse raportohet se kanë filluar një sulm tokësor në qytetin jugor të Khersonit.
Më shumë shpërthime u dëgjuan gjatë natës në qytete në të gjithë vendin.
Zyrtarët thonë se dhjetëra civilë janë vrarë.
Të dërguarit për Rusinë dhe Ukrainën mbajtën bisedime paqeje në kufirin e Bjellorusisë të hënën, por nuk arritën marrëveshje përveç një angazhimi për t'u takuar përsëri në ditët në vijim.
Edhe pse bisedimet e paqes ishin në progres, rusët vazhduan bombardimin e qyteteve dhe qytezave duke përfshirë Kharkiv, Kiev dhe Chernihiv, sipas presidentit të Ukrainës.
Presidenti Volodymyr Zelensky bëri thirrje për një zonë të ndaluar fluturimi mbi vendin e tij dhe që Rusia të hiqet si anëtare e përhershme e Këshillit të Sigurimit të OKB-së.
Ukraina paraqiti një kërkesë zyrtare për t'u anëtarësuar në Bashkimin Evropian dhe të paktën tetë vende të tjera të BE-së kanë sinjalizuar tashmë mbështetjen e tyre për masën.
Sulmi me raketa shkatërron bazën ushtarake Okhtyrka
Më shumë foto po shfaqen të masakrës në bazën ushtarake Okhtyrka ku një raketë ruse vrau të paktën 70 ushtarë ukrainas të dielën.
Fotografitë më poshtë janë shpërndarë nga zyrtari lokal në rajonin e Sumy, Dmytro Zhyvytskyi. Ato tregojnë përpjekjet e tërbuara të shpëtimtarëve për të nxjerrë të mbijetuarit nga rrënojat që digjen.
Sulmi me raketa shkatërroi bazën ushtarake të Okhtyrkës, Ukrainë – raportohet për 70 ushtarë të vdekur
Më shumë imazhe të masakrës në bazën ushtarake Okhtyrka po shfaqen, ku një raketë ruse vrau të paktën 70 ushtarë ukrainas të dielën.
Imazhet më poshtë thuhet se janë shpërndarë nga zyrtari lokal në rajonin e Sumy, Dmytro Zhyvytskyi.
Ato tregojnë përpjekjet e shpëtimtarëve për të nxjerrë të mbijetuarit nga rrënojat që po digjeshin.
Ndërkohë derisa Ukraina ka hyrë në ditën e gjashtë të agresionit rus, mësohet se gjatë natës është nisur një sulm në qytetin jugor Kherson.
Dëshmitarët okularë vunë në dukje se trupat ruse po përparojnë “nga aeroporti në autostradën Nikolaev dhe një unazë pranë fabrikës së magazinimit të ftohtë”, shkruan Sky News.
Ndërkohë, BBC raporton se shpërthime “të fuqishme” janë dëgjuar pranë aeroportit të Kherson.
Qyteti Kherson në Ukrainë është ‘i rrethuar’ nga trupat ruse
Mësohet se gjatë natës është nisur një sulm në qytetin jugor Kherson.
Dëshmitarët okularë vunë në dukje se trupat ruse po përparojnë “nga aeroporti në autostradën Nikolaev dhe një unazë pranë fabrikës së magazinimit të ftohtë”, shkruan Sky News.
Tani, Alena Panina, një gazetare me bazë në Kherson, pretendon se qyteti është “në të vërtetë i rrethuar”, me pika kontrolli të vendosura në dalje.
Ajo tha për Ukraine 24: “Qyteti është në fakt i rrethuar, ka shumë ushtarë rusë dhe pajisje ushtarake nga të gjitha anët, ata vendosën pika kontrolli në dalje”.
Panina tha se Kherson ka ende energji elektrike, ujë dhe ngrohje, por është përballur me vështirësi gjatë transportit të ushqimit nga magazinat në periferi.
Ndërkohë, BBC raporton se shpërthime “të fuqishme” janë dëgjuar pranë aeroportit të Kherson.
Kryebashkiaku i qytetit thotë se trupat ruse kanë ngritur postblloqe në hyrje të Khersonit, duke shtuar: “Është e vështirë të thuhet se si do të zhvillohet më tej situata”.
Megjithatë, Igor Kolykhaye tha: “Khersoni ishte dhe mbetet ukrainas! Mos dilni jashtë gjatë shtetrrethimit. Mos hyni në negociata agresive me askënd dhe mos provokoni armikun në konflikt”.
LEXO EDHE Vazhdojnë shpërthimet në Kiev – qytetarët të alarmuar nga situata, detajet e fundit nga Ukraina
***
Koreja e Jugut premton 10 milionë dollarë për ta ndihmuar Ukrainën
Koreja e Jugut do të sigurojë 10 milionë dollarë ndihmë humanitare për Ukrainën, derisa pushtimi rusë vazhdon, tha ministria e jashtme e Seulit.
Ministria tha se mbështetja do të bëhet përmes konsultimeve me qeveritë e Ukrainës, vendet fqinje dhe organizatat ndërkombëtare, shkruan CNN, përcjell “Bota sot”.
Presidenti i Koresë së Jugut Moon Jae-në të hënën urdhëroi qeverinë që të dalë me shpejtësi me mbështetjen humanitare për Ukrainën.
"Ne shpresojmë që mbështetja e qeverisë sonë në mënyrë efektive ndihmon popullin ukrainas dhe refugjatët, dhe ne do të vazhdojmë kontributin aktiv për të zgjidhur krizën humanitare në Ukrainë," tha ministria.
***
Përmbledhje e ngjarjeve
Forcat ruse bombarduan një zonë banimi në qytetin e dytë më të madh të Ukrainës, Kharkiv, me raketa të hënën duke vrarë të paktën nëntë vetë.
Rusia gjithashtu intensifikoi sulmin e saj në kryeqytet, Kiev, shkruan CNN, përcjell “Bota sot”.
Imazhet e reja satelitore tregojnë një konvoje ushtarake ruse që ka arritur në periferi të Kievit është më shumë se 40 milje.
Zyrtarët amerikanë u tha ligjvënësve në informime të klasifikuara të hënën se një valë e dytë e trupave ruse ka të ngjarë të kapërcejë rezistencën ukrainase.
Presidenti ukrainas Volodimir Zelensky akuzoi Rusinë për krime lufte për të bombarduar qytetin e Kharkiv.
Ai tha se në pesë ditë, 56 sulme raketa dhe 113 raketa të lundrimit u nisën në Ukrainë nga forcat ruse.
Zyrtarët e shumtë i thanë CNN se ata janë të shqetësuar nga rritja e dhunës, viktimave civile dhe vrasjeve pa dallim në ditët e fundit.
OKB tha se të paktën 406 civilë janë raportuar të lënduar ose të vrarë që nga pushtimi, duke përfshirë të paktën 102 të vrarë brenda disa ditëve të fundit.
Më shumë se gjysmë milioni refugjatë kanë ikur nga Ukraina./BOTA SOT
