Parlamenti Evropian është i gatshëm të implementojë kufizime në importin e naftës dhe gazit rus, si pjesë e sanksioneve edhe më të ashpra që synojnë të vendosin kundër Rusisë.
Rezoluta për ashpërsimin e sanksioneve ndaj BE-së do të votohet pas fjalimit të presidentit të Ukrainës, Vladimir Zelensky, i cili pritet t’i drejtohet Parlamentit të BE-së përmes një video-lidhje.
Në një rezolutë që pritet të shqyrtohet sot, eurodeputetët i kërkuan BE-së të mbyllë portet për anijet ruse.
Rezoluta propozon gjithashtu masa për “kufizimin e importit të mallrave, përfshirë naftën dhe gazin”.
Kërkesat e tjera përfshijnë ndalimin e të gjitha investimeve të reja të BE-së në Rusi, si dhe ndalimin përfundimtar të gazsjellësit “Nord Stream 2”.
Anëtarët e Parlamentit Evropian duan që të gjitha sanksionet e propozuara kundër Rusisë të vendosen edhe për Bjellorusinë, e cila është rreshtuar krahë Rusisë në luftë.
Pasi qeveria ukrainase paraqiti një kërkesë për anëtarësim urgjent në BE të hënën, rezoluta, po ashtu u bën thirrje institucioneve të BE-së t’ia miratojnë Ukrainës statusin e kandidatit për anëtarësim
