Qeveria franceze u ka bërë thirrje qytetarëve të saj që të largohen nga Rusia, shkaku i përshkallëzimit të gjendjes në Ukrainë.
Edhe vendet e tjera kanë bërë thirrje të ngjashme.
Ministria e Jashtme e Mbretërisë së Bashkuar "këshillon kundër çdo udhëtimi për në të gjithë Rusinë", për shkak të vështirësive në largimin nga vendi dhe asaj që e përshkruajnë si "rritje e paqëndrueshmërisë" të ekonomisë ruse.
Të njëjtën gjë këshillon edhe Departamenti Amerikan i Shtetit, duke cituar faktorë të shumtë duke përfshirë "potencialin për ngacmim ndaj qytetarëve amerikanë nga zyrtarë të sigurisë së qeverisë ruse".
