Luftimet në Mariupol kanë vazhduar për më shumë se 24 orë pasi rusët janë akuzuar për gjenocid.
Ndërkohë të shumtë janë ata që kanë humbur të dashurit e tyre nga bombardimet. Në foton më poshtë që vjen nga qyteti-porti i Mariupol ai qan mbi trupin e pajetë të djalit të tij adoleshent, pasi ai u vra gjatë bombardimeve në një qytet ukrainas.
Serhii i pikëlluar u fotografua duke qarë mbi kokën e djalit të tij Iliya në një maternitet që është kthyer në spital. Iliya mbërriti në spital me të dyja këmbët e fryra, me sa duket nga një predhë ruse.
Tre adoleshentë që besohet të jenë rreth 15 ose 16 vjeç, thuhet se po luanin futboll kur u goditën nga një granatim rus.
Njëri humbi këmbën dhe vdiq menjëherë pas mbërritjes, sipas një gazetari të AP, ndërsa dy të tjerët u dërguan me urgjencë në spital dhe qëndrojnë në kujdesin intensiv.
Një maternitet dhe dhjetëra ndërtesa banimi janë dëmtuar rëndë, ndërsa një shkollë dhe një strehë e emigrantëve janë shkatërruar.
Vadym Boychenko, kryebashkiaku i Mariupolit, i tha kanalit televiziv të Ukrainës 1+1 se trupat ruse kanë ndaluar gjithashtu civilët që të arratiseshin nga qyteti port.
“Një gjenocid në shkallë të plotë të popullit ukrainas është duke u zhvilluar.”
Pavarësisht sulmeve ajrore dhe granatimeve të vazhdueshme, qyteti mbetet ende nën kontrollin e Ukrainës. Presidenti Volodymyr Zelensky vlerësoi rezistencën “heroike” të popullit të tij dhe u zotua se Putin do të paguajë çmimin për çdo ukrainas të vdekur.
