Japonia ka vendosur sanksione të mëtejshme ndaj Rusisë dhe Bjellorusisë për pushtimin e tyre në Ukrainë, duke ngrirë asetet e 32 zyrtarëve dhe oligarkëve rusë dhe bjellorusë.
Në një konferencë shtypi të martën, kryesekretari i kabinetit japonez Hirokazu Matsuno tha se veprimi i Japonisë vjen pasi Rusia intensifikon sulmin e saj ndaj Ukrainës, me Bjellorusinë “e përfshirë qartazi”.
Individët në shënjestër: Në një deklaratë të martën, Ministria e Financave e Japonisë tha se sanksionet e reja të zbuluara synojnë 20 rusë, duke përfshirë Zëvendës Shefin e Parë të Shtabit të administratës së Presidentit Vladimir Putin, Zëvendëskryetarët e Parlamentit Shtetëror dhe kreun e Republikës Çeçene.
Sanksionet synojnë gjithashtu drejtues të kompanive si Transneft, Ëagner dhe Volga Group.
Sanksionet përfshijnë 12 zyrtarë dhe biznesmenë të qeverisë bjelloruse, duke përfshirë Presidentin e Komitetit Olimpik Kombëtar, Viktor Lukashenko dhe 12 organizata në Rusi dhe Bjellorusi, shkruan CNN.
Presioni financiar: Transaksionet kapitale të tilla si kontratat e depozitave, kontratat e mirëbesimit dhe kontratat e kredisë monetare me ato të listuara nga ministria e financave të Japonisë do të kërkojnë leje qeveritare nga sot, shtoi ministria.
Japonia po ndalon gjithashtu eksportet e pajisjeve të rafinerisë së naftës në Rusi dhe artikujve për qëllime të përgjithshme në Bjellorusi që mund të “konsiderohen të forcojnë aftësitë ushtarake”, tha ministria.
Japonia do të ndalojë gjithashtu eksportet në Ministrinë e Mbrojtjes së Bjellorusisë, forcat e armatosura, gardën kombëtare, policinë kombëtare, organizatat e inteligjencës shtetërore dhe JSC Integral, një kompani gjysmëpërçuese me bazë në Minsk.
