Një foto rrëqethëse tregon një foshnjë të mbytur në gjaku nga bombat e Vladimir Putinit - ndërsa ushtarët rusë të dehur qëlluan për vdekje një vajzë dhjetëvjeçare, përpara xhaxhait të saj, shkruan The Sun, përcjell Bota sot.
Ndërsa pushtimi i përgjakshëm i Ukrainës nga Rusia po vazhdon, imazhet tmerruese të viktimave të pafajshme të luftës janë shfaqur - me fëmijë në mesin e viktimave.
Mijëra ukrainas të tmerruar po vazhdojnë të ikin nga shtëpitë e tyre dhe janë kapur nga konflikti në përshkallëzim ndërsa Rusia po ecën me përparimin e ngadaltë, të rëndë dhe të kushtueshëm drejt Kievit.
Në qytetin lindor të rrethuar të Sumy, të paktën 18 persona, përfshirë dy fëmijë u vranë pasi sulmet ajrore goditën zonat civile gjatë natës, me fotografi që tregojnë tymin që ngrihet mbi qiell dhe shtëpitë e kthyera në grumbuj mbeturinash.
Një imazh tronditës i një djali të përgjakur të plagosur në sulm është publikuar nga parlamenti i Ukrainës, ndërsa civilët bartnin pjesën më të madhe të gjakderdhjes, teksa u goditën nga granatimet dhe raketat.
Në një sulm tjetër, një vajzë 10-vjeçare ukrainase thuhet se u qëllua për vdekje nga ushtarët rusë "të dehur" përpara xhaxhait të saj, ndërsa trupat sulmuan shtëpitë në fshatin Shybene, rreth 40 milje larg Kievit.
Anastasia Stoluk, e njohur gjithashtu si Nastya, u varros në kopshtin e familjes pasi ushtarët e ndaluan mamanë e saj të vizitonte varrezat pasi ajo u vra më 28 shkurt, tha kushërira e saj Anya për The Times.
Është raportuar se trupat ruse filluan "të qëllojnë kudo që mund të shihnin" pasi një djalë ukrainas qëlloi me armë në ajër.
