Alina Kabaeva, e dashura sekrete e Vladimir Putin dhe nëna e fëmijëve të tyre, thuhet se jeton në Zvicër. Pra thashethemet, të cilat nuk janë të reja.
Mirëpo, zhvillmet më të reja në lidhje me këtë çështje, është se me të dashurën e Putinit tani po merret edhe Zvicra zyrtare, shkruan srf.ch, përcjell "Bota sot".
A fshihet vërtet e dashura e Putinit në Zvicër?
Me sa duket, pyetja është aq e rëndësishme sa qeveria federale tani ka filluar të interesohet për të. Kjo do të dëmtonte reputacionin e Zvicrës, thotë Mark Pieth, një ekspert në të drejtën penale komerciale.
“Zvicra, si vendet e tjera, është një lloj porte për Rusinë në botën perëndimore. Kjo është tregtia e mallrave, ku thuhet se rusët kanë investuar 200 miliardë në qendrën financiare zvicerane. Pavarësisht nëse është e vërtetë apo jo, sigurisht që do të përforconte këtë përshtypje se Zvicra është një vend strehimi për të gjitha llojet e njerëzve”, u shpreh Pieth.
FDJP nuk ka asnjë informacion deri më tani
Në vitin 2015, e dashura e Putinit lindi një vajzë në Lugano. Kjo dihet sigurt. Por a jeton në të vërtetë e dashura e presidentit rus në Zvicër? Një pyetje që duket se shqetëson edhe autoritetet federale.
Me kërkesë të "Tagesschau", Departamenti i Policisë Federale dhe Drejtësisë njofton se:
“FDJP nuk ka asnjë indikacion për praninë e këtij personi në Zvicër. Janë bërë sqarimet e duhura”.
Asgjë më shumë nuk mund të mësohet. Megjithatë, është e rëndësishme që qeveria federale i ka kryer këto hetime, thotë Mark Pieth.
“Mendoj se autoritetet zvicerane kanë të drejtë kur e hetojnë këtë çështje. Nuk është vetëm çështja e saj private. Mendoj se është çështje e Zvicrës nëse zonja e Putinit do të qëndrojë me ne”, deklaroi Pieth.
Vladimir Putin nuk flet publikisht për çështje private. Por tashmë e dashura e tij sekrete po bëhet temë për të gjithë botën.
