Individë të fuqishëm të Kremlinit po komplotojnë për të hequr ‘qafe’ Vladimir Putinin duke e helmuar atë, ka pohuar një organ i inteligjencës ukrainase, shkruan Mirror, përcjell "Bota sot".
Sipas Drejtorisë kryesore të Inteligjencës të Ministrisë së Mbrojtjes së Ukrainës, një "grup anëtarësh me ndikim" të "elitës ruse" kanë hartuar një plan që synon rrëzimin e presidentit.
Qëllimi i këtij grupi është të largojë Putinin nga pushteti sa më shpejt të jetë e mundur dhe t’i rivendosin lidhjet ekonomike me Perëndimin.
Sipas raportit të inteligjencës, individë të fuqishëm të Kremlinit janë të tronditur nga ndikimi që lufta dhe sanksionet kanë pasur në ekonominë ruse.
Shërbimi i inteligjencës ukrainase pretendon se një pasardhës i Putinit është zgjedhur tashmë në formën e drejtorit të FSB, Oleksandr Bortnikov.
“Dihet se Bortnikov dhe disa përfaqësues të tjerë me ndikim të elitës ruse janë duke shqyrtuar opsione të ndryshme për të hequr Putinin nga pushteti”, tha Shefi i Drejtorisë së Inteligjencës.
“Në veçanti, nuk përjashtohet helmimi, sëmundja e papritur apo ndonjë “rastësi” tjetër”.
Agjencia sugjeroi se humbjet e shkaktuara nga forcat çeçene në veri të shtetit ukrainas mund të kenë ndikuar në komplotin e organizuar.
Këtë fundjavë Ukraina tha se një pjesë e grupit famëkeq luftarak çeçen ishte kthyer në Rusi pasi shumë prej trupave të tyre u vranë.
Dyshimet se Bortnikov është njeriu që do të zëvendësojë Putinin mund të konsiderohen befasuese, duke pasur parasysh se si të dy këta persona kanë punuar së bashku, përcjell "Bota sot".
Ata të dy kanë shërbyer në KGB-në në Leningrad, përpara se Bortnikov të merrte përsipër agjencinë e riemërtuar të sigurisë.
FSB-ja e Bortnikov është truri dhe zemra e regjimit të Putinit, një "shtet brenda shtetit", sipas një hetimi të thelluar nga Dossier Centre.
Në fillim të konfliktit, Bortnikov i trembur ia dorëzoi me kamerë mallrat Putinit, kur ai pretendoi se dy nga rojet e tij kufitare kishin kapur një diversant ushtarak ukrainas të gjallë në tokën ruse.
Ai tha se diversanti kishte qëllime dashakeqe ndaj shtetit.
Më pas këto pretendime u hodhën poshtë nga Perëndimi, mirëpo ato shërbyen si një mjet për të justifikuar luftën brenda Rusisë.
Bortnikov tani ka rënë në favorin e despotit të Moskës, për gabimet në luftën në Ukrainë.
Putin ka sulmuar dhe shkarkuar tetë gjeneralë në një përpjekje për të larguar fajin nga vetja për luftën e përgjakshme, e cila ka vrarë pothuajse 15,000 nga trupat e tij në vetëm 25 ditë.
Putini po bëhet gjithnjë e më paranojak, ai madje ka folur publikisht për "tradhtarët" të cilët ai dyshon se janë të pabesë ndaj Moskës, ndoshta nga rrjedhja e informacionit.
Komplotistët elitë, sipas inteligjencës ukrainase, zgjodhën 70-vjeçarin Bortnikov sepse ata besojnë se ai mund të kryesojë rivendosjen e lidhjeve ekonomike me perëndimin.
Ata janë gjithnjë e më të shqetësuar se Rusia do të shndërrohet në një shtet të pafavorshëm, të shmangur nga perëndimi.
Bortnikov besohet të ketë një rrjet personash të brendshëm që punojnë dhe jetojnë brenda Ukrainës, ku ai drejtoi një rrjet agjentësh për shumë vite.
Spiun i pamëshirshëm, Bortnikov ka lindur në Urale, ku më pas ka qenë prej kohësh një nga ndihmësit më të afërt të Putinit.
Ai gjithashtu drejton krahun ekonomik të FSB-së, duke luajtur një rol kyç në ndërtimin e rritjes së Rusisë pas epokës sovjetike.
Por mendohet se Putini tani është i zemëruar me të për lejimin e komandantëve të tij ushtarakë që të keqkëmben nga mbrojtja e egër e Ukrainës kundër pushtimit.
Putin thuhet se gjatë një mbedhje të Këshillit të Sigurisë turpëroi Bortnikovin.
Një burim i inteligjencës ukrainase theksoi se: “Vlen të përmendet se Bortnikov kohët e fundit është turpëruar nga diktatori rus.
Arsyeja zyrtare e turpit të liderit të FSB-së janë llogaritjet e gabuara fatale në luftën kundër Ukrainës.
Bortnikov dhe departamenti i tij ishin përgjegjës për të analizuar gjendjen shpirtërore të Ukrainës dhe aftësinë e ushtrisë ukrainase", përcjell "Bota sot".
Dyshohet gjithashtu se brenda komunitetit të inteligjencës së Moskës, dikush kishte shpërndarë informacione në Ukrainë për luftëtarët çeçenë që sulmonin Kievin nga veriu.
Nuk dihet nëse spiuni veteran dhe zyrtari kryesor i Moskës, Bortnikov, është vetë i dyshuar, por ai e njeh Putinin prej dekadash.
Gjithashtu, ka dyshime se dikush brenda rrethit të brendshëm të frikacakëve të Putinit i ka dhënë informacion agjencisë vendase të spiunazhit SBU të Ukrainës mbi komplotet për të vrarë Presidentin Zelensky.
Zelensky i ka mbijetuar një numri të madh tentativash për vrasje.
Por tani udhëheqësi rus mund të përballet me një komplot në rritje kundër vetvetes - sipas informacionit të rrjedhur nga Drejtoria kryesore e Inteligjencës e Ministrisë së Mbrojtjes të Ukrainës.
Një burim perëndimor i tha Daily Mirror mbrëmë: “Këto thashetheme dhe dyshime brenda rrethit të brendshëm të Moskës do të mbjellin farat e paranojës dhe dyshimit në udhëheqje.
Nuk ka dyshim se elita ruse ndjen humbjet e mëdha të sanksioneve, e që ata në të ardhmen do ta shohin edhe më mirë se çfarë katastrofe është kjo luftë për ta.
Ekziston një dyshim i rëndësishëm se një numër i vogël njerëzish mund të përpiqen të heqin qafe Presidentin rus, por mbetet për t'u parë, nëse ata do të kenë sukses.
Sigurisht që ata po inkurajohen jashtëzakonisht shumë nga figura të ndryshme me ndikim të madh në perëndim dhe ndjenja e shumicës së njerëzve është se lufta duhet të përfundojë.
E rëndësishme, megjithëse Ukraina ka vuajtur jashtëzakonisht nga ky pushtim, ajo ka goditur ushtrinë ruse në çdo hap, duke parashikuar lëvizjet e tyre ushtarake dhe duke gjymtuar forcat e tyre.
Është shumë e mundur që dikush të ketë shpërndarë informacione dhe të ketë dhënë sado pak inkurajim për ta bërë këtë - ndoshta me një ofertë për një të ardhme në perëndim apo edhe në vetë Rusinë", transmeton "Bota sot".
Daily Mirror kupton gjithashtu se diplomatëve rusë mund t'u jetë ofruar një e ardhme e sigurt në perëndim nëse denoncojnë publikisht luftën ruse në Ukrainë.
Një burim i lartë ka zbuluar se disa liderë perëndimorë kanë diskutuar, së bashku me Ukrainën, idenë e ofrimit të azilit për disa nga diplomatët e Moskës.
Asnjë nuk ka dalë ende, por burimet ukrainase pohojnë se udhëheqësit perëndimorë kanë urdhëruar tashmë agjencitë e tyre të inteligjencës ta bëjnë këtë gjë.
Mbrëmë, zyrtarët ushtarakë ukrainas në Drejtorinë e Inteligjencës së Ministrisë së Mbrojtjes thanë se një numër i madh besnikësh të Putinit po përpiqeshin përsëri të vrisnin udhëheqësin ukrainas Zelensky.
Zyrtarët e Kievit kanë thënë se vrasësit nga grupi mercenar i Putinit "Wagner" po mbërrijnë në Ukrainë për ta vrarë presidenti Zelensky, së bashku me kryeministrin Denys Shyhal.
Të dy ushëheqësit ukrainas i kanë mbijetuar tashmë të paktën katër tentativa të besueshme për vrasje dhe shumë të ashtuquajtur spiunë dhe vrasës të forcave speciale ruse "elitare" janë vrarë ose kapur në Kiev.
Besohet gjithashtu se njerëzve të pamëshirshëm të forcave speciale çeçene u janë ofruar stimuj për të ekzekutuar liderin ukrainas, i cili është shfaqur vazhdimisht publikisht në kundërshtim me Rusinë.
Është e paqartë nëse pretendimet e inteligjencës ukrainase janë të sakta, apo një mjet për të mbjellë ndarje brenda rangut të lartë të Rusisë./BS
