Të mbijetuarat e rrethimit nazist të Leningradit dënojnë luftën në Ukrainë
Anna Klementyeva, 90-vjeçare, e di mjaft mirë se çfarë është lufta. E lindur në Leningrad – tani Shën Petersburg – ajo ishte evakuuar për në Jarosllav së bashku me shokët e klasës kur trupat gjermane iu afruan qytetit. Megjithatë, ajo u sëmur rëndë dhe në shtatorin e vitit 1941 u kthye në qytetin e saj.
“Më 8 shtator 1941, treni me të cilin po udhëtonim u godit nga dy bombardues fashistë”, shkroi ajo në një letër dërguar North.Realities të Radios Evropa e Lirë, teksa aktualisht jeton në Spanjë. “Treni ynë doli se ishte treni i fundit që hyri në Leningrad. Rrethi ishte mbyllur dhe rrethimi kishte filluar”.
“Unë jam një jetime e luftës”, shkroi Klementyeva. Nëna dhe motra e saj u vranë gjatë tentimit për të ikur nga qyteti në të ashtuquajturën 'Rrugë të Jetës' përtej liqenit Ladoga, kur kamioni me të cilin po udhëtonin u godit nga një bombë gjermane. Babai i sa u thirr në ushtri për të mbrojtur qytetin dhe u vra në betejën e tij të parë.
Dua që kumbara ime në Moskë ta shohë shtëpinë time të shkatërruar
Forcat ruse kanë vazhduar grantimet në kryeqytetin ukrainas, Kiev, duke shkatërruar disa ndërtesa banimi më 23 mars.
Një grua, shtëpia e së cilës u dëmtua nga granatimet, i bëri apel kumbarës së saj në Moskë, teksa tha se ajo duhet “të shohë” se forcat ruse po sulmojnë caqe civile, pavarësisht mohimeve nga Kremlini.
Ukraina thotë se Moska po i çon me forcë civilët në Rusi
Hava Orana Xhukolli
Ukraina akuzoi Moskën të enjten se ka marrë me forcë qindra mijëra civilë nga qytetet e shkatërruara të Ukrainës në Rusi, ku disa mund të përdoren si “peng” për t'i bërë presion Kievit që të dorëzohet, shkruan AP, transmeton Bota sot.
Lyudmyla Denisova, ombudspersonja e Ukrainës, tha se 402,000 njerëz, përfshirë 84,000 fëmijë, janë marrë kundër vullnetit të tyre.
Kremlini ka thënë se ata që u zhvendosën donin të shkonin në Rusi. Rajonet lindore të Ukrainës të kontrolluara nga rebelët, për shembull, janë kryesisht rusishtfolëse dhe shumë njerëz atje kanë mbështetur lidhjet e ngushta me Moskën.
Një muaj pas pushtimit, ndërkohë, të dyja palët shkëmbyen goditje të rënda në atë që është kthyer në një luftë shkatërruese rrënimi. Marina e Ukrainës tha se fundosi një anije të madhe ruse në afërsi të qytetit port të Berdyansk, e cila ishte përdorur për të sjellë automjete të blinduara. Rusia pretendoi se kishte marrë qytetin lindor të Izyum pas luftimeve të ashpra.
Presidenti i SHBA Joe Biden, në Evropë për Samitin dhe takimet e tjera të nivelit të lartë, dha garanci se më shumë ndihmë do të ofrohet, megjithëse dukej e pamundur që Perëndimi t'i jepte Zelenskyy gjithçka që ai dëshironte, nga frika se mos shkaktonte një luftë shumë më të gjerë.
Rreth kryeqytetit, Kievit dhe zonave të tjera, mbrojtësit ukrainas i kanë luftuar trupat tokësore të Moskës deri në një ngërç, duke ngritur frikën se një president i frustruar rus Vladimir Putin do të përdorë armë kimike, biologjike ose bërthamore.
Johnson: Ukraina nuk është vetëm
Kryeministri i Mbretërisë së Bashkuar, Boris Johnson, tha se shteti i tij duhet ta mbështesë Ukrainën në luftën kundër Rusisë.
“Ky është vetëm fillimi”, tha ai pas takimit të liderëve të NATO-s.
Mbretëria e Bashkuar ka sanksionuar mbi 1,000 individë rusë dhe entitete dhe sipas Johson, këto janë sanksionet më të ashpra të Mbretërisë së Bashkuar.
“Mesazhi për Putinin është: Ukraina nuk është vetëm. Ne qëndrojmë me banorët e Kievit, Mariupolit, Lvivit dhe Donjeckut”, tha ai.
Ai tha se presidenti rus, Vladimir Putin, duhet të dështojë në përpjekjet e tij për ta pushtuar Ukrainën.
Rusia dëbon një diplomat të Malit të Zi
Ministria e Jashtme e Rusisë tha se ka njoftuar zyrtarisht Malin e Zi për dëbimin e një diplomati të tij nga Moska.
“Kjo masë është në përgjigje të vendimit të Malit të Zi, të miratuar më 4 mars të këtij viti, për të shpallur një diplomat të Ambasadës ruse në Podgoricës si persona non grata”, tha Ministria e Jashtme ruse më 24 mars.
Më herët gjatë këtij muaji, Ministria e Jashtme e Malit të Zi shpalli një diplomat rus persona non grata (person të padëshiruar), duke thënë se vendimi ishte marr në bazë të rekomandimit nga agjencia kombëtare e sigurisë.
Njoftimi erdhi pasi mediat në Mal të Zi raportuan për pretendimet se dy anëtarë të Shërbimit të Inteligjencës së Jashtme të Rusisë u takuan në shkurt me një zyrtar të lartë nga partia në pushtet, Fronti Demokratik në qytetin Danilovgrad.
Raportet midis Rusisë dhe Malit të Zi për vite me radhë janë të komplikuara. Më 2014, Moska vendosi sanksione ndaj Rusisë, duke iu bashkuar bllokut evropian, pasi Moska aneksoi në mënyrë të paligjshme Gadishullin ukrainas të Krimesë.
Më 2016, Mali i Zi e akuzoi Rusinë se ka financuar përpjekjen e dështuar për grushtshtet, që u tha se kishte për qëllim ta ndalonte Malin e Zi që t’i bashkohej NATO-s.
OKB kërkon qasje në ndihmë humanitare në Ukrainë
Asambleja e Përgjithshme e Kombeve të Bashkuara ka miratuar një rezolutë të re, jodetyruese, që kërkon ndaljen e “menjëhershme” të luftës ruse në Ukrainë.
Rezoluta po ashtu bën thirrje për qasje në ndihmë humanitare dhe mbrojtjen e civilëve në Ukrainë. Ky dokument e kritikon Rusinë për krijimin e situatës së “tmerrshme” humanitare, pasi Moska nisi pushtimin e shtetit fqinj një muaj më parë.
Për këtë rezolutë votuan 140 shtete, ndërkaq 38 abstenuan.
Pesë shtete votuan kundër rezolutës: Rusia, Siria, Koreja e Veriut, Eritrea dhe Bjellorusia.
Kjo rezolutë pason një rezolutë të miratuar më 2 mars që kishte kërkesa të ngjashme, përmes së cilës i bëhej thirrje Rusisë për një armëpushim të menjëhershëm.
AP e OKB-së thirrje Rusisë që të ndalojë luftën në Ukrainë
Asambleja e Përgjithshme e Kombeve të Bashkuara i ka dhënë sërish një goditje diplomatike Rusisë, me një votë dërmuese duke i bërë thirrje Rusisë të ndalojë luftën e saj kundër Ukrainës.
Ishin 140 vende pro, pesë kundër dhe 38 abstenuan për një rezolutë të sponsorizuar nga Shtetet e Bashkuara dhe e mbështetur nga shumë vende të tjera. Disa javë më parë, 141 vende mbështetën një rezolutë që dënon pushtimin e Rusisë.
Edhe pse jo detyruese, rezolutat e Asamblesë së Përgjithshme kanë peshë politike.
Të mërkurën, ambasadorja e SHBA-së në Kombet e Bashkuara Linda Thomas-Greenfield u tha vendeve anëtare të Asamblesë së Përgjithshme të OKB-së se duke votuar në favor të rezolutës, e cila bën thirrje pjesërisht për një ndërprerje të menjëhershme të armiqësive nga Federata Ruse në Ukrainë, ata "po votojnë për fundi i luftës.”
Asambleja e Përgjithshme dëgjoi fjalimet mbi situatën humanitare në Ukrainë të mërkurën dhe të enjten, transmeton CNN.
G7 paralajmëron Rusinë kundër përdorimit të armëve kimike, biologjike ose bërthamore
Në një deklaratë të përbashkët të enjten, udhëheqësit e G7 paralajmëruan Rusinë kundër përdorimit të armëve kimike, biologjike ose bërthamore në pushtimin e Ukrainës.
"Ne paralajmërojmë kundër çdo kërcënimi të përdorimit të armëve kimike, biologjike dhe bërthamore ose materialeve të ngjashme," thanë në një deklaratë liderët pas takimit në Bruksel.
Ata denoncuan gjithashtu përpjekjet e Rusisë për dezinformim duke sugjeruar se Ukraina po përgatitej të përdorte një armë kimike ose bërthamore.
"Ne denoncojmë kategorikisht fushatën keqdashëse dhe plotësisht të pabazë të Rusisë kundër Ukrainës, një shtet në përputhje të plotë me marrëveshjet ndërkombëtare të mospërhapjes. Ne shprehim shqetësimin për vendet dhe aktorët e tjerë që kanë përforcuar fushatën e dezinformimit të Rusisë," kanë thënë liderët e G7, transmeton CNN.
Pa përmendur Kinën në mënyrë specifike, udhëheqësit aluduan për konsideratën e Pekinit për t'i ofruar Rusisë ndihmë ushtarake ose financiare.
"Ne do të vazhdojmë të bashkëpunojmë ngushtë, duke përfshirë angazhimin e qeverive të tjera për miratimin e masave të ngjashme kufizuese me ato të vendosura tashmë nga anëtarët e G7 dhe për të përmbajtur nga evazioni, anashkalimi dhe mbushja që synojnë të zvogëlojnë ose zbutin efektet e sanksioneve tona. Ne jemi të shqetësuar nga përshkallëzimi dhe përforcimi i represionit kundër popullit rus dhe retorika gjithnjë e më armiqësore e udhëheqjes ruse, përfshirë kundër qytetarëve të zakonshëm," thuhet më tej në deklaratë
Liderët e G7 nuk kanë mbajtur një qëndrim të qartë për pjesëmarrjen e Rusisë në G20, por thanë se "organizatat ndërkombëtare dhe forumet shumëpalëshe nuk duhet të kryejnë më aktivitetet e tyre me Rusinë në një mënyrë të zakonshme".
Letonia kërkon që BE-ja të vendosë sanksione ndaj importeve të energjisë ruse
Shtetet e Bashkimit Evropian duhet ta shqyrtojnë mundësinë e vendosjes së sanksione ndaj importeve të energjisë nga Rusia, në mënyrë që të ndalet lufta në Ukrainë, tha kryeministri i Letonisë.
Arturs Karins tha se sanksionet mbi energjinë do të ishin një mënyrë “për të ndalur paratë që të shkojnë në arkat e luftës së Putinit”.
Karins, i cili mori pjesë në samitin e liderëve të BE-së në Bruksel, shtoi: “Vendimi më logjik për të ecur përpara është te nafta dhe qymyri. Ne duhet ta ndalojmë Putinin, sepse nëse nuk e ndalojmë Putinin, ai nuk do të ndalet”.
Ukraina dhe Rusia po luftojnë për kontrollin e qytetin të shkatërruar plotësisht!
Valdrin Nuredini
Ndërsa Rusia përpiqet të lidhë përparimet e bëra në rajonin e Kharkiv të Ukrainës me bastionin e saj në lindjen e largët të vendit, qyteti i Izyum e ka gjetur veten të përfshirë në luftime të tmerrshme, tha një zyrtar lokal, shkruan CNN, transmeton Bota sot.
Deputeti i këshillit Max Strelnyk tha për CNN se qyteti ishte "shkatërruar plotësisht" nga avionët dhe artileria ruse, edhe pse betejat e ashpra vazhduan brenda Izyum për kontrollin e tokës.
Strelnyk tha se trupat ruse pushtuan pjesën veriore të qytetit dhe po përpiqeshin të kalonin lumin Seversky Donets - i cili bën një formë U-je ndërsa kalon nëpër qytet - për të marrë gjithashtu pjesën jugore, që aktualisht mbahet nga forcat e armatosura ukrainase.
CNN ka raportuar më parë se pjesa më e madhe e Izyum-it qendror është shkatërruar nga sulmet ushtarake.
"Fatkeqësisht, nuk mund të themi numrin e saktë të të vdekurve [në qytet]," tha Strelnyk, por ai vlerësoi se "më shumë se njëqind" njerëz ishin vrarë në luftime.
