Më herët kemi raportuar se qyteti i Slavutych, ku jetojnë shumë punëtorë të termocentralit të Çernobilit, është pushtuar nga forcat ruse.
Tani Agjencia Ndërkombëtare e Energjisë Atomike (IAEA) ka shprehur shqetësimin e saj për mirëqenien e punonjësve të uzinës, pasi nuk ka pasur rotacion të stafit në central për gati një javë, shkruan BBC, përcjell “Bota sot”.
Drejtori i përgjithshëm i IAEA, Rafael Mariano Grossi, thotë se ka shqetësime në lidhje me aftësinë e personelit që të rrotullohet rregullisht dhe të kthehet në shtëpitë e tyre për të pushuar.
Më parë këtë muaj, Grossi theksoi se aftësia e stafit për të kryer detyrat e tyre pa presion të panevojshëm është një nga "shtatë shtyllat e domosdoshme për sigurinë bërthamore".
Ky nuk është i vetmi central bërthamor i mbajtur nga rusët. Zaporizhzhia, termocentrali më i madh bërthamor në Evropë, është gjithashtu në duart e trupave ruse.
