Zëvendës-marshalli ajror, Sean Bell tregon për Sky Nees se çfarë rakete u hodh në Lviv dhe shpjegon pse Vladimir Putin vendosi të shënjestroj tani një qytet që më parë ka pasur pak luftime, përcjell "Bota sot".
Sulmet me raketa ruse kanë shënjestruar qytetin perëndimor të Ukrainës, Lviv - vetëm disa orë pasi një gjeneral i lartë sugjeroi se Moska po zvogëlonte pushtimin e saj për t'u fokusuar në rajonin e Donbasit në lindje.
Kryesisht, Lviv është kursyer që nga fillimi i pushtimit, ku rreth 200,000 njerëz të cilëve u është dashur të largohen nga qytetet e tyre, duke u zhvendosur atje.
Megjithatë, të shtunën një seri sulmesh goditën periferinë e saj - me një raketë që goditi një objekt nafte.
Sky News në internet foli me ekspertin ushtarak, njëherësh zëvendës-marshallin ajror, Sean Bell për të marrë mendimin e tij se çfarë raketa u përdoren në Lviv dhe pse u ndryshuan taktikat ruse.
Çfarë arme u përdor?
"Për shkak të vendndodhjes së Lviv - në perëndim të Ukrainës - ka të ngjarë që ato të kenë qenë raketa të drejtuara," tha zoti Bell.
“Vetë qyteti nuk është në rrezën e marrjes së mortajave, kështu që këto sulme me shumë gjasa u realizuan përmes një rakete lundruese që mund të hidhej nga një vend i largët".
"Dhe për shkak të distancave të përfshira dhe saktësisë, ato me siguri ishin raketa të drejtuara."
Nga janë lëshuar raketat?
Kryetari i bashkisë së qytetit Andriy Sadovyi tha raketat që e goditën Lviv-in ishin lëshuar nga Sevastopol në Krime.
Të tjerë sugjeruan se sulmet u nisën nga një anije - një teori që pason videon e publikuar nga Ministria e Mbrojtjes e Rusisë që tregon sulme të ngjashme në infrastrukturën ushtarake ukrainase nga Deti i Zi, përcjell "Bota sot".
Megjithatë, zoti Bell thotë është e vështirë të dihet se na cili destinacion janë lëshuar ato raketa.
"Raketat e lundrimit mund të përshkojnë një distancë të tillë që këto sulme mund të ishin nisur nga rajoni i Donbasit, nga marina ose nga vetë Rusia. Ne thjesht nuk e dimë."
Pse nuk funksionoi mbrojtja ajrore?
"Së pari, Lviv nuk ka qenë një objektiv kryesor deri më tani në këtë konflikt, kështu që shumica e mbrojtjeve raketore janë pozicionuar në vende si Kievi dhe Mariupoli ku kemi parë luftimet më të rënda".
"Së dyti, raketat e drejtuara të lundrimit janë veçanërisht të vështira për t'u mbrojtur. Ato mund të ndryshojnë rrugën e fluturimit ose të përshkojnë një pjesë të distancës në lartësi ekstreme".
"Vendet e fiksuara të radarëve në përgjithësi do të vendosen në tokë të lartë për gjurmim më të mirë. Raketat e drejtuara mund t'i shmangin këto".
"Dhe mbrojtjet e lëvizshme padyshim vendosen në zona ku sulmet janë më të mundshme - gjë që deri më tani nuk ka qenë Lviv."
Pse Rusia mund të ketë sulmuar Lviv?
Presidenti rus Vladimir Putin mund të kishte pasur një sërë motivimesh të ndryshme për të sulmuar Lviv, thotë zoti Bell.
"Presidenti i SHBA Joe Biden ishte duke vizituar Poloninë në kohën e sulmit. Dhe megjithëse nuk ishte aq afër - mund të shihet patjetër si një mesazh që 'nuk kemi mbaruar'".
"Një tjetër mundësi është që shtypi botëror të jetë në Lviv. Ne kemi parë raporte që na tregojnë sesi njerëzit e qytetit po e kalojnë jetën e tyre si zakonisht. Mund të ishte një mënyrë për t'u thënë atyre se nuk janë të sigurt".
“Rusia gjithashtu mund të kishte vënë në shënjestër vende strategjike që mund të mos kenë një ndikim në përpjekjet luftarake të Ukrainës menjëherë – por ndoshta në një moment poshtë vijës".
"Por ndoshta kjo ishte pas raportimeve se Rusia do të fokusohej në rajonin e Donbasit. A ishte ky keqinformim përpara një sulmi të planifikuar në një qytet perëndimor?"
"Apo Putin reagoi pasi një nga gjeneralët e tij dha përshtypjen e gabuar - apo foli gabim?"
