Moska po zhvillon masa për të kufizuar hyrjen në Rusi për shtetasit e vendeve "jomiqësore", tha ministri i Jashtëm rus Sergei Lavrov, shkruan BBC, transmeton Bota sot.
"Një projekt-dekret presidencial është duke u zhvilluar për masat hakmarrëse të vizave në përgjigje të veprimeve jomiqësore të një numri shtetesh të huaja," tha ai në komentet televizive.
Agjencia shtetërore e lajmeve Tass e citoi atë të thoshte se masat do t'i përgjigjen veprimeve jomiqësore të Shteteve të Bashkuara dhe satelitëve të saj, duke përfshirë "sanksione të paligjshme" dhe "vendime që cenojnë të drejtat e qytetarëve dhe personave juridikë rusë".
Ai nuk specifikoi se për cilat vende do të zbatoheshin masat, por qeveria ka miratuar më parë një listë të shteteve dhe territoreve "që kryejnë veprime jo miqësore kundër Rusisë, kompanive dhe qytetarëve të saj".
