BE-ja duhet të krijojë një instrument të ri financiar për të ndihmuar vendet që pranojnë refugjatët ukrainas të luftës, tha zëvendësministri i Brendshëm polak sot në Bruksel.
Polonia po mbart pjesën më të madhe të eksodit aktual të refugjatëve nga Ukraina, kryesisht gra, fëmijë dhe të moshuar, të cilët ikin nga vendi i tyre pas pushtimit të saj nga Rusia.
Bartosz Grodecki, në Bruksel për një takim të ministrave të Brendshëm të BE-së kushtuar fluksit të refugjatëve ukrainas në BE, tha se vendet e BE-së pranuese të refugjatëve do të kenë nevojë për financim shtesë për të përballuar detyrën dhe sugjeroi që BE-ja të krijojë një fond të posaçëm për këtë qëllim.
Duke iu referuar idesë së KE për të financuar ndihmën për refugjatët nga fondet e rregullta të BE, Grodecki tha se një financim i tillë ishte i vështirë për t'u aksesuar dhe nuk arriti të mbulonte të gjitha nevojat, transmeton PAP.
