Presidenti i Francës Emmanuel Macron dhe ai i Rusisë Vladimir Putin kanë folur në telefon për situatën në Ukrainë.
Të dy udhëheqësit diskutuan për mundësinë e hapjes së një korridori humanitar në Mariupol - një qytet ukrainas që është përballur me një breshëri sulmesh që nga fillimi i luftës, Sky news, përcjell "Bota sot".
Putin i tha Macron se do të mendonte për këtë çështje, tha një zyrtar i presidencës franceze.
Gjithashtu, Kremlini njoftoi se ata diskutuan edhe për vendimin e Rusisë për të kërkuar pagesa në rubla për furnizimet me gaz rus në Bashkimin Evropian.
