Sirenat e sulmit ajror u dëgjuan në të gjithë Ukrainën gjatë natës pasi Moska premtoi të zvogëlojë operacionet e saj ushtarake pranë qyteteve të Kievit dhe Chernihiv, ka thënë një zyrtar i lartë ukrainas.
Vadym Denysenko, një këshilltar i ministrit të brendshëm të Ukrainës, tha se nuk kishte "zona pa sirena" gjatë natës, me raporte për luftime pranë periferisë perëndimore të Irpin, shkruan Sky news, përcjell “Bota sot”.
Këshilltari tha:Kishte një alarm ajror në të gjithë vendin gjatë natës.
"Në fakt nuk ka pasur zona pa sirena. Në mëngjes ato janë përsëritur."
Dje, Denysenko tha se ai dyshonte se do të kishte ndonjë përparim pasi negociatorët nga Ukraina dhe Rusia u ulën për një raund tjetër të bisedimeve të paqes në Stamboll.
Kjo erdhi pasi zëdhënësi i Kremlinit Dmitry Peskov tha se bisedimet e deritanishme nuk kishin dhënë ndonjë përparim thelbësor.
