Gjigandi rus i energjisë Gazprom njoftoi të premten se është ndarë nga filiali i tij gjerman Gazprom Germania, tha kompania në një deklaratë.
“Më 31 mars, Grupi Gazprom ndërpreu pjesëmarrjen e tij në kompaninë gjermane GAZPROM Germania GmbH dhe të gjitha asetet e saj, duke përfshirë Gazprom Marketing & Trading Ltd.”, tha Gazprom përmes kanalit të tij telegram, CNN, transmeton Bota sot.
Gazprom Germania do të japë një koment mbi këtë çështje të hënën, tha një punonjës për CNN.
Ndërkohë, Agjencia Federale e Rrjetit të Gjermanisë, e cila është zyra rregullatore e shërbimeve të vendit tha në faqen e saj të internetit se "furnizimi me gaz është i qëndrueshëm në Gjermani" dhe se "nuk u regjistruan asnjë shqetësim në dërgesat e gazit në Gjermani. Operatorët e rrjeteve të gazit nuk raportojnë asnjë ngjarje të jashtëzakonshme".
Nivelet e mbushjes janë të krahasueshme me ato të 2021 dhe 2017, sipas deklaratës.
Gjermania lëshoi një "paralajmërim të hershëm" për mungesa të mundshme të gazit natyror të mërkurën për një mosmarrëveshje pagesash me Rusinë që mund të çojë në racionimin e energjisë në ekonominë më të madhe të Evropës.
