Nëse sapo keni filluar të lexoni rreth asaj se çka është duke ndodhur në Ukrainë, këtu është një përmbledhje e zhvillimeve më të fundit në ditën e 42 të luftës në Ukrainë.
Në Donbas, Ukrainën lindore:
Mijëra njerëz po përpiqen të ikin nga Donbasi përpara ofensivës së pritshme të Rusisë në Ukrainën lindore
Pesë korridore humanitare janë vendosur të hapen për të lëvizur njerëzit në pjesë të rajonit të Luhansk larg vijës së frontit
Zyrtarët ukrainas po u bëjnë thirrje njerëzve në zonë që të shfrytëzojnë këtë mundësi për të ikur.
Forcat ruse po përpiqen të rrethojnë forcat ukrainase për të marrë kontrollin e të gjithë Donbasit - i cili përbëhet nga rajonet e Donetskut dhe Luhanskut.
Diku tjetër në Ukrainë:
Më shumë se 400 njerëz janë të zhdukur nga qyteti i Hostomel, thotë një zyrtar lokal. Qyteti mbajti peshën kryesore të përparimeve ruse në kryeqytetin e Ukrainës, Kiev, së bashku me Bucha dhe Irpin.
Kemi dëgjuar nga një i mbijetuar nga Bucha, ku provat sugjerojnë se trupat ruse ekzekutuan civilë të pafajshëm. Ajo thotë se do të donte të ishte vrarë së bashku me burrin e saj
Zhvillimet globale
Udhëheqësit e Bashkimit Evropian po diskutojnë se çfarë masash të mëtejshme mund të vendosin ndaj Rusisë për të dëmtuar përpjekjet e saj të luftës. Propozimet përfshijnë një ndalim të importit të qymyrit rus - por disa liderë të lartë thonë se nafta dhe gazi gjithashtu duhet të ndalohen
Aleatët e tjerë perëndimorë, përfshirë SHBA-në dhe Britaninë e Madhe, pritet të vendosin sanksione shtesë ndaj Rusisë sot
Presidenti rus thotë se sanksionet janë çmimi që vendi i tij duhet të paguajë për lirinë
Papa Françesku ka dënuar masakrën e civilëve në qytetin ukrainas të Bucha, të cilën Rusia vazhdon ta mohojë pavarësisht dëshmive të varrezave masive.
