Kombet e Bashkuara do të mbajnë një votim në Nju Jork të enjten nëse do ta përjashtojnë Rusinë nga Këshilli i saj për të Drejtat e Njeriut.
Dje, Presidenti ukrainas Volodymyr Zelensky tha në një takim të OKB-së se trupat e Kremlinit kishin vrarë ukrainasit "për kënaqësi". Ambasadori rus mohoi akuzat për krime lufte nga vendi i tij, raporton BBC, transmeton Bota sot.
Këshilli është i formuar nga 47 shtete anëtare dhe punon për të promovuar dhe mbrojtur të drejtat e njeriut në mbarë botën.
Propozimi për të dëbuar Rusinë – i bërë nga SHBA dhe Britania e Madhe – do të kishte nevojë për mbështetjen e dy të tretave të 193 anëtarëve të OKB-së që do të miratohej të enjten.
Një rezolutë e mëparshme e OKB-së për të denoncuar pushtimin rus të Ukrainës u miratua nga 141 vende muajin e kaluar.
