LIVE: Zhvillime dramatike në Ukrainë/ Rusia nuk ndalon sulmet – Putin me veprim të papritur

Forcat ruse kanë shkatërruar një depo municionesh në bazën ajrore Myrhorod në Ukrainën qendrore.

Kështu ka raportuar agjencia ruse e lajmeve Interfax.

Një luftëtar i forcave ajrore ukrainase MiG-29 dhe një helikopter Mi-8 u shkatërruan gjithashtu në sulmin në bazën në rajonin e Poltava.

Kjo është bërë e ditur nga zëdhënësi i Ministrisë së Jashtme ruse, Igor Konashenkov./G.B/

Më shumë njerëz duhet të evakuohen nga rajoni i Luhanskut në Ukrainën lindore pasi bombardimet janë shtuar ditët e fundit dhe më shumë forca ruse kanë mbërritur, tha të shtunën guvernatori i Luhanskut, Serhiy Gaidai.

Ai tha se rreth 30 për qind e banorëve mbeten ende në qytete dhe fshatra në të gjithë rajonin dhe u është kërkuar të evakuohen.

"Ata (Rusia) po grumbullojnë forca për një ofensivë dhe ne shohim se numri i granatimeve është rritur," tha Gaidai për televizionin publik.

Ukraina ka paralajmëruar gjithnjë e më shumë se Rusia planifikon sulme të intensifikuara në lindje dhe jug të vendit, pasi tërhoqi trupat e saj nga zonat në veri të kryeqytetit, Kiev.

Shtetet e Bashkuara thanë këtë javë se Moska ka të ngjarë të vendosë dhjetëra mijëra ushtarë në Ukrainën lindore.

Zëvendëskryeministrja e Ukrainës, Iryna Vereshchuk tha se janë rënë dakord për 10 korridore humanitare për evakuimin e njerëzve në të gjithë vendin, duke përfshirë edhe largimin e njerëzve nga porti jugor i rrethuar i Mariupolit me transport privat.

Mariupol, me vendndodhjen e tij strategjike në bregun e detit Azov, është goditur nga sulmet ruse që nga fillimi i luftës më 24 shkurt.

Përpjekjet e shumta për të rënë dakord për kalimin e sigurt të autobusëve për të marrë furnizimet në Mariupol dhe për të nxjerrë civilët kanë dështuar, ku secila palë fajëson tjetrën.

Ministria ruse e mbrojtjes tha të shtunën se transportoi më shumë se 80 banorë nga distrikti i bregut të majtë të Mariupol të premten, njoftoi agjencia ruse e lajmeve RIA.

"Të gjithë njerëzit u dërguan në vende të sigurta," citoi RIA një deklaratë nga ministria.

Moska ka mohuar se ka shënjestruar civilët në atë që ajo e quan një "operacion special ushtarak" që synon çmilitarizimin dhe "denazifikimin" e fqinjit të saj. Ukraina dhe aleatët e saj perëndimorë e quajnë këtë një pretekst të pabazë për luftë.

Kur bombardimet ruse iu afruan shumë shtëpisë së tyre pranë Kievit, familja Pavlenko vendosi të largohet nga Ukraina.

Me nxitimin për të dalë jashtë – përveç disa veshjeve - kjo familje mori me vete tri gjëra të zakonshme: një zinxhir për çelësa me një gjirafë të varur, një pako me drithëra dhe një llambë tavoline.

Tani, si refugjatë të vendosur në Poloni, anëtarët e familjes Pavlenko janë lidhur pas këtyre tri kujtimeve dhe të tjera që lanë pas. Jeta e tyre u shkatërrua kur udhëheqësi rus, Vladimir Putin, urdhëroi pushtimin e atdheut të tyre më 24 shkurt, duke shkaktuar eksodin më të madh të refugjatëve që nga Lufta e Dytë Botërore.

Alyona 45-vjeçe dhe bashkëshorti i saj 48-vjeçar, Viktori, kanë pesë fëmijë: Nadia, Vika, Yana, Andriy dhe Myroslava – nga mosha shtatë deri në 24 vjeç.

Lajmin e plotë mund ta lexoni këtu.

Rusia është ankuar te zyrtarët turq se ushtria ukrainase po përdor dronët e prodhuar në Turqi.

Duke folur në një konferencë për media të premten, një zyrtar turk tha se Ankaraja i kishte thënë Moskës se prodhuesi turk i dronëve “Baykar Technologies” është një kompani private dhe blerja e pajisjeve nga Ukraina kishte përfunduar para luftës.

Sipas raportimit të CNN, zyrtarët ukrainas kanë deklaruar se dronët Bayraktar TB2 të Baykar janë një nga armët më efektive në arsenalin e tyre.

Javën e kaluar, CNN u fut në fabrikën e prodhimit Baykar në Turqi për një intervistë ekskluzive me shefin e saj të teknologjisë, Selcuk Bayraktar.

Bayraktar, i cili është dhëndër i presidentit turk Rexhep Tajip Erdogan, tha se droni "po bënte atë që ishte projektuar për të bërë".

Në të njëjtën fabrikë prodhimi të këtyre dronëve, javë më parë kishte qëndruar edhe presidentja e Kosovës, Vjosa Osmani. 

Kancelari Olaf Scholz dhe kryeministri britanik Boris Johnson në një konferencë të përbashkët shtypi (08.04) në Londër u treguan në mënyrë demonstrative në unanimitet dhe i premtuan Ukrainës furnizime të mëtejshme me armë. Shtetet e NATO-s janë në unanimitet për të mos u bërë palë lufte, por që të ndihmojnë Ukrainën të vetëmbrohet, tha Johnson pas bisedimeve me kancelarin Scholz. Britania e Madhe do të furnizojë gjithçka që ka karakter mbrojtës.

Ai përmendi raketat e mbrojtjes nga ajri. Edhe Scholz tha, se Gjermania do të furnizojë „vazhdimisht" Ukrainën me armë, për të forcuar luftën mbrojtëse ndaj invazionit rus.

Kancelari Scholz reagoi i rezervuar ndaj kërkesës së Kievit për dërgimin e tankeve mbrojtës të tipit "Marder" nga arsenali gjerman në Ukrainë.

"Ne përpiqemi të furnizojmë armë, që ndihmojnë dhe mund të vihen mirë në përdorim. Këtë e kemi bërë edhe në të kaluarën, e do të vazhdojmë ta bëjmë edhe më tej", tha Scholz. Këto furnizime kryesisht janë mbrojtje antitank dhe armë të mbrojtjes kundërajrore si dhe municione

. "Sukseset që ka arritur Ushtria e Ukrainës tregojnë, se armët që kemi furnizuar ne janë efikase." Por Schoz tha, se janë të një mendimi me Johnson që gjithmonë duhet të shohim, se „çfarë mund të vihet me efikasitet në përdorim. Këto çështje mund të marrin përgjigje vetëm nga profesionistët."

Lajmin e plotë mund ta lexoni këtu.

Ukraina ka kërkuar armë nga ndërkombëtarët. Po ashtu, ajo ka kërkuar edhe sanksione më të ashpra.

Ukraina ka  fajësuar Rusinë për një sulm me raketa që vrau të paktën 52 njerëz në një stacion treni.

Presidenti Volodymyr Zelenskiy e quajti sulmin në Kramatorsk, në rajonin lindor të Donetsk, një sulm të qëllimshëm ndaj civilëve.

Kryetari i bashkisë së qytetit vlerësoi se 4000 njerëz ishin mbledhur atje në atë kohë, shkruan "Bota sot".

"Ne presim një përgjigje të fortë globale ndaj këtij krimi lufte," tha Zelenskiy në një video të postuar në orët e vona  të së premtes.

LEXO edhe: LIVE: Rusët japin shenja “kolapsi”, braktisin tanket në tërheqje të nxituar; zemërim për sulmin ajror në stacionin e trenit

Më shumë se katër milionë refugjatë ukrainas janë larguar nga vendi që kur u pushtua nga Rusia.

Një grup muzikantësh të rinj nga Kharkiv dhe Odesa kanë gjetur siguri në Danimarkë, shkruan “Bota sot”.

Ata kanë marrë ndihmë nga një shkollë lokale muzikore.

 Ata tani do të jenë në gjendje të vazhdojnë të studiojnë dhe të luajnë muzikë./A.M.

Kryeministri japonez, Fumio Kishida ka mbajtur një konferencë për media, ku njoftoi për dëbimin e 8 diplomatëve rusë dhe ndalimin total të importeve të qymyrit rus, shkruan “Bota sot”.

"Rusia ka shkelur në mënyrë të përsëritur ligjin ndërkombëtar humanitar duke vrarë civilë dhe duke sulmuar centralet bërthamore. Këto janë krime të pafalshme lufte," u tha Kishida.

Japonia ka vazhduar të vendosë sanksione kundër Rusisë në koordinim me SHBA-në dhe vendet evropiane.

“Japonia qëndron krahë për krahë me Ukrainën”, tha Kishida./A.M.

Një zyrtar i  perëndimit e  ka konfirmuar se Rusia ka riorganizuar komandën e operacioneve të saj në Ukrainë, shkruan “Bota sot”.

  Sipas BBC, ajo ka vendosur një  gjeneral të ri që ka përvojë të gjerë në operacionet luftarake në Siri.

Në kushte anonimiteti për BBC, burimi tha se komandanti i distriktit ushtarak jugor të Rusisë, gjenerali Alexander Dvornikov, tani drejton luftën e Russisë.

“Ky komandant ka shumë përvojë në operacionet  ruse në Siri. Pra, ne do të presim që komanda dhe kontrolli i përgjithshëm të përmirësohet, "tha burimi.

Vendosja e re u bë në një përpjekje për të përmirësuar koordinimin midis njësive të ndryshme, pasi grupet ruse më parë ishin organizuar dhe komanduar veçmas, tha zyrtari./A.M.

(06:42) -Lufta në Ukrainë po vazhdon, rritet numri i viktimave

Lufta në Ukrainë po vazhdon.

Numri i viktimave po rritet çdo ditë e më shumë, shkruan “Bota sot”.

Vetëm në një sulm që ka ndodhur në një stacion të trenit janë vrarë dhjetëra njerëz.

Ndërkaq, çdo moment po rritet edhe numri i personave që po largohen nga Ukraina. /A.M.