Ukraina ka dhënë përditësimin e saj të fundit mbi numrin e humbjeve që Rusia ka pësuar që nga fillimi i luftës.
Përditësimi pretendon se 19,500 trupa ruse janë vrarë dhe 1,923 automjete të blinduara të personelit janë shkatërruar, shkruan Sky news, përcjell “Bota sot”.
Pajisjet e tjera ushtarake që janë zhdukur përfshijnë 137 helikopterë, 725 tanke dhe 154 avionë.
Duhet të theksohet se Sky News nuk ka mundur të verifikojë në mënyrë të pavarur këto pretendime.
Muajin e kaluar, Rusia pretendoi se 1,351 nga trupat e saj kishin vdekur.
Kjo erdhi pasi NATO vlerësoi se deri në 15,000 trupa ruse ishin vrarë që nga fillimi i pushtimit të Moskës më 24 shkurt.
Shifra e fundit vjen pasi zëdhënësi i Vladimir Putinit, Dmitry Peskov, javën e kaluar pranoi një humbje "të konsiderueshme" të trupave ruse që nga fillimi i pushtimit të Ukrainës, duke i thënë Sky News se vdekjet e tyre ishin një "tragjedi".
