Finlanda po fillon sot një debat që mund të rezultojë në aplikimin e vendit për anëtarësim në NATO brenda disa javësh, raporton agjencia e lajmeve AFP.
Një raport nga qeveria i publikuar të mërkurën do të shqyrtojë situatën "thelbësisht të ndryshuar" të sigurisë, sipas ministrisë së jashtme të Finlandës, dhe do të bëjë rrugën e tij përmes parlamentit, shkruan BBC, përcjell Bota sot.
Një debat i tillë është planifikuar për një javë më vonë.
Deri kohët e fundit, shumica e finlandezëve nuk kishin dashur të bashkoheshin me NATO-n, por pushtimi rus i Ukrainës ka nxitur disa rimendime dhe sondazhet e fundit sugjerojnë se tani ka një shumicë në favor të anëtarësimit.
Rusia ka paralajmëruar Finlandën dhe Suedinë kundër anëtarësimit në NATO, duke argumentuar se masa nuk do të sillte stabilitet në Evropë.
