Shtangu Borellin me fjalimin kundër Putinit, eurodeputeti viziton Ukrainën

Evropë

Shtangu Borellin me fjalimin kundër Putinit, eurodeputeti viziton Ukrainën

Më: 21 prill 2022 Në ora: 18:24
Guy Verhofstad ka shkuar për vizitë në Ukrainë

Eurodeputeti belg, Guy Verhofstadt, i cili ditë më parë kishte mbajtur një fjalim të zjarrtë në Parlamentin e Evropian ku kërkonte sanksione të ashpëra ndaj Rusisë, ka shkuar për vizitë në Ukrainë.

Verhofstadt ka publikuar fotografi nga atje, duke thënë se s’ka fjalë se si ta përshkruaj dhimbjen për atë që ka parë në Bucha dhe Borodinka.

“Krimet e luftës nuk do të mposhtin lirinë dhe demokracinë… as në Ukrainë, as në Evropë!”, ka shkruar Verhofstadt.

Eurodeputeti belg në fjalimin e mbajtur në fillim të këtij muaji në Parlamentin Evropian kishte shtangur Përfaqësuesin e Lartë të BE-së, Josep Borell, teksa kërkonte që Evropa të ashpërsonte sanksionet dhe theksonte se sanksionimi shkallë-shkallë nuk bën punë me një autokrat si Vladimir Putini.

“Duhet të shkohet me një pako të plotë të sanksioneve”, kishte thënë Guy Verhofstadt.

comment Për komente lëvizni më poshtë
Sot mund të lexoni Shfletoni kopertinat