Ligjvënësi më i lartë në Rusi ka thënë se gjiganti rus i gazit Gazprom mori vendimin e duhur për pezullimin e plotë të furnizimit me gaz për Bullgarinë dhe Poloninë.
Vyacheslav Volodin, i cili është kryetari i dhomës së ulët të parlamentit të Rusisë, shkroi në kanalin e tij Telegram se Rusia duhet të bëjë të njëjtën gjë me vendet e tjera “jomiqësore”, shkruan BBC.
Kujtojmë, se gjigandi rus i energjisë Gazprom ka njoftuar të mërkurën se ka ndërprerë plotësisht furnizimin me gaz për Bullgarinë dhe Poloninë, për shkak të mungesës së pagesave në rubla.
