Një burrë me sa duket i dehur përplasi makinën e tij në një hotel në aeroportin e Munihut pas një grindje me një të njohur, njoftoi sot policia gjermane.
Hoteli duhej të evakuohej sot në mëngjes pasi ekzistonte rreziku që ndërtesa të shembet, tha një zëdhënëse e policisë.
Pas kontrollit u konstatua se hoteli është i sigurt. Shoferi ka mbetur i plagosur dhe është dërguar në spital dhe nuk ka persona të tjerë të lënduar.
Zëdhënësja e policisë tha se burri me siguri ka qenë i dehur, gjë që do të vërtetohet përmes analizave të gjakut, si dhe nëse ka konsumuar ndonjë lëndë tjetër, raportojnë mediat gjermane.
