Shefi i mbrojtjes së Gjermanisë i ka kërkuar Perëndimit të mos nënvlerësojë fuqinë ushtarake të Moskës.
"Pjesa më e madhe e forcave tokësore ruse mund të jetë e lidhur në Ukrainë për momentin, por, megjithatë, ne nuk duhet të nënvlerësojmë potencialin e forcave tokësore ruse për të hapur një teatër të dytë lufte," paralajmëroi gjenerali Eberhard Zorn, i rangut më të lartë, përcjell Bota sot
Rusia gjithashtu ka një forcë detare dhe ajrore në dispozicion përtej ushtrisë, shtoi ai.
"Shumica e marinës ruse nuk është vendosur ende në luftën kundër Ukrainës dhe forcat ajrore ruse kanë ende një potencial të rëndësishëm, i cili përbën një kërcënim edhe për NATO-n," tha ai.
Bundeswehr-i mbështet rregullisht misionet e policisë ajrore të NATO-s mbi shtetet baltike me avionë luftarakë.
Gjenerali Zorn tha se Rusia do të ishte "shumë e aftë" për të zgjeruar konfliktin.
