Kryetari i qytetit jugor të Melitopolit ka thënë se në rajonin e Kharkiv, ushtarët rusë kapën çdo lloj transporti mbi të cilin mund të vendosnin duart ndërsa iknin.
Ivan Fedorov, në një postim në Telegram, thotë se kur trupat ruse arritën në kufi, kishte një radhë 20 km të gjatë.
Fedorov tha më herët se kishte parë forcat ruse të largoheshin për në kufi një ditë më parë, por kjo nuk është konfirmuar nga burime të pavarura, transmeton Sky News.
"Oficerët rusë nuk kishin transport të mjaftueshëm evakuimi. Kështu, duke ikur, ata nuk paralajmëruan askënd për afrimin e Forcave të Armatosura. Ushtarët u detyruan të vidhnin motoçikleta dhe biçikleta për të shpëtuar veten. Pompat e benzinës vendase kanë ndërprerë menjëherë shitjen e benzinës me urdhër të komandantëve ushtarakë”, ka thënë Fedorov.
"Ne besojmë se shumë shpejt flamuri ukrainas do të valojë në sheshin kryesor të Melitopolit! Ofensiva heroike e Forcave të Armatosura vazhdon! Në fronte të ndryshme. Në zona të ndryshme të frontit. Së shpejti do të ketë surpriza të reja për pushtuesit!", shtoi ai.
