“Ne nuk e provokuam këtë luftë”, vijon Presidenti Zelensky, duke shtuar: “Ne mbajtëm 88 raunde bisedimesh në formate të ndryshme për të parandaluar këtë luftë”.
Ai thotë se Rusia filloi agresionet në vitin 2015 me inkursione në Ukrainën lindore, përpara “pushtimit në shkallë të plotë” të nisur shtatë muaj më parë, përcjell Bota sot.
“Nuk kishim zgjidhje tjetër veçse të mbroheshim”, thotë ai.
Ai vazhdon duke kërkuar që komuniteti botëror të ndëshkojë Rusinë me sanksione dhe të vendosë kufizime të vizave për turistët rusë.
"Rusia duhet të paguajë për luftën e saj me asetet e saj," thotë ai, duke shtuar se ndjekja e rrjedhës së parave të Rusisë do të ketë një ndikim të madh te zyrtarët e saj "të cilët vlerësojnë paratë mbi çdo gjë tjetër".
