Gjenerali i lartë i Shteteve të Bashkuara ka dënuar sulmet me raketa ruse në Ukrainë që vranë civilë, duke deklaruar se ato plotësojnë përkufizimin e krimeve të luftës sipas rregullave ndërkombëtare të luftës.
“Rusia ka goditur qëllimisht infrastrukturën civile me qëllim të dëmtimit të civilëve”, tha gjenerali i ushtrisë Mark Milley, kryetar i Shtabit të Përbashkët, në selinë e NATO-s në Bruksel.
“Ata kanë shënjestruar të moshuarit, gratë dhe fëmijët e Ukrainës”, tha ai, citon Al Jazeera.
“Sulmet pa dallim dhe të qëllimshme ndaj objektivave civile janë një krim lufte në rregullat ndërkombëtare të luftës”, shtoi gjenerali.
