Shefi i shërbimit të inteligjencës ushtarake ukrainase Kirilo Budanov ka dhënë një intervistë interesante për portalin ukrainas Ukrainska Pravda.
Në intervistë, ai u pyet për luftën për pushtet në Kremlin, e cila besohet se po zhvillohet në sfondin e pushtimit të trazuar rus të Ukrainës.
Duke folur për pasardhësit e mundshëm të Vladimir Putin, ai tha se ish-presidenti rus Dmitry Medvedev "nuk ka asnjë shans".
Ai thotë se Dmitry Patrushev, djali i ish-kreut të FSB-së, Nikolai Patrushev, "hipotetikisht ka një shans për të marrë postin e presidentit".
Megjithatë, Budanov sugjeroi se Sergei Kiriyenko, i cili konsiderohet nga shumë si arkitekti i politikës së Kremlinit për aneksimin e territoreve të Ukrainës, dëshiron të zëvendësojë Putinin. Por ai theksoi se zëvendës-shefi i parë i kabinetit të Kremlinit dhe ish-kryeministri ndoshta nuk do të kërkonte të rrëzonte me forcë udhëheqësin aktual.
"Kiriyenko e sheh veten në kolltuk. Ai e sheh veten si pasues në një transferim pak a shumë paqësor të pushtetit," tha ai.
