Inflacioni në Bosnje dhe Hercegovinë, i matur me indeksin e çmimeve të konsumit, është rritur në muajin shtator me 17,3 për qind në bazë vjetore dhe 1,2 për qind në bazë mujore.
Rritja e çmimeve u regjistrua pothuajse në të gjitha grupet, njoftoi Agjencia e Statistikave të BeH (BHAS).
Krahasuar me shtatorin 2021, ushqimet dhe pijet joalkoolike u rritën me 26,2 për qind, pijet alkoolike dhe duhani me 2.5 për qind, shpenzimet e banimit dhe shpenzimet e përgjithshme me 20 për qind, mobiliet dhe pajisjet elektroshtëpiake dhe mirëmbajtja e rregullt e shtëpisë me 10.9 për qind.
Çmimet e transportit u rritën 28.2 për qind, kujdesi shëndetësor 1.7, komunikimet 1.4, argëtimi dhe kultura 10.6, arsimi 1.6, restorantet dhe hotelet 12.4 dhe mallrat dhe shërbimet e tjera 7.6 për qind.
Rrobat dhe këpucët ishin mesatarisht 6.3 për qind më të lira se një vit më parë.
