Italia nuk do të jetë e varur nga tregtia apo teknologjia kineze dhe do të mbrojë çdo sektor që konsiderohet si strategjik, tha të enjten ministri i ri i Industrisë, Adolfo Urso.
Ai foli kur iu kërkua të komentonte mbi vendimin e fundit të Gjermanisë për të lejuar Cosco-n e Kinës të blejë një aksion në një terminal të Hamburgut të drejtuar nga firma logjistike HHLA, një kompani që operon gjithashtu në portin italian të Triestes.
“Ne nuk do ta vëmë veten në duart e kinezëve,” i tha Urso një gazetari në një konferencë në Romë.
Italia në vitin 2019 u bë kombi i parë që ka nënshkruar marrëveshje me Kinën për Iniciativën e Kinës “Belt and Road”, një projekt kolosal i krijuar për të përmirësuar shtrirjen tregtare të Pekinit.
