Shefi i ndihmave të Kombeve të Bashkuara tha të hënën se pezullimi i marrëveshjes së drithit në Detin e Zi nga Rusia është "shqetësues" dhe bëri thirrje që linja e furnizimit të qëndrojë e hapur.
"Ne jemi të gatshëm të diskutojmë çdo shqetësim me nismën dhe zbatimin e saj me të gjitha palët," i tha Martin Griffiths Këshillit të Sigurimit të OKB-së.
"Dhe ne vazhdojmë të mbështetemi në kontributin kryesor të Turqisë si ndërmjetës, lehtësues dhe mikpritës."
Të shtunën, Rusia njoftoi se kishte pezulluar pjesëmarrjen e saj në marrëveshjen për eksportin e grurit ukrainas pas sulmeve në flotën e saj të Detit të Zi.
"Ne po humbasim kohë, industria e transportit po harxhon para dhe ne po vonojmë shpërndarjen e ushqimit kur miliona janë të uritur dhe nuk mund të paguajnë faturat e tyre," tha Griffiths.
Turqia, OKB, Rusia dhe Ukraina nënshkruan një marrëveshje më 22 korrik në Stamboll për të rifilluar eksportet e grurit nga tre porte ukrainase të Detit të Zi, të cilat u ndaluan pas fillimit të luftës Rusi-Ukrainë në shkurt./AA
