​250 metra të gazsjellësit North Stream 1 u shkatërruan

Evropë

​250 metra të gazsjellësit North Stream 1 u shkatërruan

Më: 3 nëntor 2022 Në ora: 12:51
Foto ilustrim

Hetimi tregoi se rreth 250 metra e një dege të gazsjellësit North Stream 1 u shkatërrua në një shpërthim në fund të shtatorit, njoftoi të mërkurën operatori i gazsjellësit.

Sipas rezultateve paraprake të hetimit, ka dy kratere në shtratin e detit, secili 3-5 metra i thellë, njoftoi të mërkurën Nord Stream AG.

Ata janë rreth 248 metra larg njëri-tjetrit.

"Një pjesë e tubit midis kratereve u shkatërrua, rrezja e fragmenteve të tubit ishte të paktën 250 metra," tha kompania.

Në fund të shtatorit, katër rrjedhje - dy në zonat ekskluzive ekonomike daneze dhe suedeze - u zbuluan në tubacionet e gazit Nord Stream 1 dhe 2 pas një shpërthimi pranë ishullit Bornholm në Detin Baltik.

BE dhe NATO, ndër të tjera, besojnë se shpërthimi ishte rezultat i sabotimit.

Të dy tubacionet e gazit çojnë nga Rusia në Gjermaninë verilindore. Funksionimi i gazsjellësit u bë një çështje shumë e ndjeshme politike pas pushtimit rus të Ukrainës në fund të shkurtit.

comment Për komente lëvizni më poshtë
Sot mund të lexoni Shfletoni kopertinat