Dy ushtarë belgë të forcave ajrore u arrestuan në zemër të Brukselit. Dëshmitarët okularë thanë se arrestimet u kryen pranë selisë së Komisionit Evropian në Rue Archimède në një apartament pranë Café Berlaymont.
“Dy personat u arrestuan, u morën në pyetje nga shërbimet e policisë dhe u liruan pasi dhanë dëshminë e tyre”, tha një zëdhënës i prokurorit të Brukselit, duke konfirmuar raportet e mëparshme nga mediat belge.
Sipas gazetës flamande Het Nieuwsblad, banorët panë dy burrat duke qëlluar rastësisht me armë zjarri nga një dritare e hapur dhe thirrën policinë. Gjatë kontrollit në ndërtesë, Policia gjeti më shumë se 200 gëzhoja.
“Si ministër, dua të ritheksoj se kjo lloj sjelljeje nuk është aspak e pranueshme në Ministrinë e Mbrojtjes”, tha Ludivine Dedonder, duke shtuar se “masat e nevojshme paraprake u morën menjëherë” me fillimin e hetimeve.
