Ish-mbreti i Greqisë Kostandin ndodhet prej pesë ditësh në spital në gjendje të rëndë. Siç raportojnë edhe mediat e huaja, pavarësisht nga gjendja e rëndë e tij, ai ndodhet jashtë reanimacionit, ndërsa pranë tij janë familjarët. Fëmijët e tij janë në Athinë dhe bashkëshortja, Anna Maria, është pranë tij çdo ditë gjatë orarit të vizitave të Njësisë.
Vitet e fundit ish-mbreti Konstandin është përballur me probleme të rënda shëndetësore, pasi në të kaluarën ka pësuar goditje në tru, ndërsa në vitin 2021 ka pësuar edemë pulmonare për shkak të aspiratës.
Hera e fundit që ish-mbreti Konstandin u shfaq në publik ishte më 19 tetor 2022, kur sipas Parapolitika, ai u pa së bashku me bashkëshorten e tij, Anna Maria dhe motrat e tij, ish-mbretëreshën e Spanjës, Sofia dhe Irene.
Familja e ish-mbretit po largohej nga një dyqan i njohur në Bukuresht dhe Universiteti ku ai kishte ngrënë drekë pak më parë.
