Qeveria britanike tha sot se një numër i vogël i njerëzve që kanë marrë të ashtuquajturat “viza të arta” për investitorët e pasur, kanë bërë pasurinë e tyre përmes korrupsionit apo aktiviteteve të tjera të paligjshme financiare.
Vitin e kaluar, për shkak të krizës në Ukrainë dhe shqetësimeve për hyrjen e parave të paligjshme ruse, qeveria anuloi vizat që lejonin investitorët që investonin të paktën dy milionë funte të qëndronin në vend.
Qeveria autorizoi fillimisht rishikimin në vitin 2018 pas helmimit të ish-agjentit rus Sergei Skripal në Britani.
“Një shqyrtim i rasteve identifikoi një numër të vogël individësh të lidhur me viza investitore, të cilët dyshohet se kanë fituar pasuri nëpërmjet korrupsionit ose aktiviteteve të tjera të paligjshme financiare, përfshirë krimin e organizuar”, tha në një deklaratë me shkrim ministrja e Brendshme Suela Braverman.
Nga oligarkët rusë dhe baronët e naftës të Lindjes së Mesme te sipërmarrësit e rinj kinezë, investitorët e pasur janë dyndur në Londër gjatë dy dekadave të fundit, duke lejuar dhjetëra miliarda funte investime të rrjedhin dhe duke ndihmuar Londrën të ruajë pozicionin e saj si një nga kryeqytetet më të mëdha financiare në botë.
Megjithatë, qeveria britanike është e shqetësuar për burimin e disa prej atyre parave, veçanërisht pas pushtimit rus të Ukrainës.
Braverman vuri në dukje se auditimi zbuloi se një numër në mënyrë disproporcionale i madh investitorësh që vinin nga vendet e identifikuara në Vlerësimin Kombëtar të Riskut të Pastrimit të Parave dhe Financimit të Terrorizmit u vu re midis aplikantëve për "vizën e artë".
Qeveria nuk pranoi të jepte një vlerësim të numrit të vizave të lëshuara për ata me rekorde të mundshme kriminale, megjithatë, Braverman tha se 10 oligarkë të paidentifikuar që përdorën sistemin u sanksionuan për lidhjen e tyre me pushtimin rus të Ukrainës.
Viza e investitorit Tier 1 u lejon të huajve të pasur që janë të gatshëm të investojnë miliona funte një rrugë të shpejtë për t'u vendosur në Britani.
Për të marrë një vizë investitori, sipas së cilës ata që i kërkojnë duhet të investojnë të paktën dy milionë funte në Britani, kushtet u shtrënguan në vitin 2015 kur u futën kontrollet se si aplikantët i merrnin paratë e tyre.
Që nga viti 2019, aplikantëve u kërkohej gjithashtu të kishin dëshmi të një llogarie bankare në Britaninë e Madhe.
