Një politikan turk figuron në listën e mijëra personave që humbën jetën nga tërmeti shkatërrues që goditi këtë vend.
Yakup Tas, 63-vjeç, ishte anëtar i partisë në pushtet të presidentit Recep Tayyip Erdogan, i cili u gjet i vdekur nën rrënojat e shtëpisë së shembur në qytetin Adiyaman.
Gruaja e tij, vëllai dhe kunata së bashku me dy fëmijët gjithashtu janë gjetur të vdekur raporton Anadolu Agency.
Në mesin e të vdekurve janë edhe dy shtetas austriak, ka njoftuar ministri i Jashtëm turk, kufomat e të cilëve janë nxjerrë nga rrënojat në provincën turke Kahramanmaras.
Një qytetar danez gjithashtu po konsiderohet i zhdukur, është bërë e ditur nga Ministria e Jashtme e Danimarkës.
Ndryshe autoritetet turke kanë njoftuar se janë zhdukur edhe tre shtetas britanikë, për të cilët deri më tani akoma nuk dihet asgjë.
