LIVE: Në garë me kohë për të shpëtuar të mbijeturit nën rrënoja – Ky shtet ia shtrin “dorën miqësore” Turqisë!

Pas dy tërmeteve të fuqishme në shtetin turk, një shumë rekorde e parave u mblodh gjatë mbrëmjes së kaluar në një fushatë televizive.

“Turqia, një zemër” ishte motoja e fushatës së mbrëmshme televizive, ku morën pjesë dhjetëra aktorë dhe personalitete të fushave të ndryshme.

Gjatë natës së kaluar, e cila u transmetua bashkërisht nga të gjitha televizionet, u grumbulluan 115 miliardë e 146 milionë e 528 mijë lira turke (5.7 miliardë euro) duke u dërguar më shumë se nëntë milionë SMS.

Theksojmë se përmes telefonit edhe kryeministri i Shqipërisë, Edi Rama ka ndarë një milion euro për të prekurit nga tërmetet, raporton fotomac.

Kujtojmë se në mënyra individuale shumë qytetarë të Kosovës kanë ndihmuar shtetin turk dhe në mesin e tyre është edhe futbollisti, Vedat Muriqi, i cili një kohë ka luajtur për klubin e Fenerbahçes, ka ndarë 15 mijë euro për Turqinë.

Ndryshe, Turqia deri më tani ka regjistruar mbi 35 mijë viktima dhe shumë dëme materiale. 

Sekretari i Përgjithshëm i NATO-s, Jens Stoltenberg, ka thënë se aleanca veri-atlantike planifikon të sigurojë strehim për mijëra persona që kanë mbetur në rrugë në Turqi, si pasojë e tërmeteve vdekjeprurëse të 6 shkurtit.

Në një vizitë zyrtare në Ankra, kreu i aleancës më të madhe ushtarake e ka cilësuar tërmetitt si një ndër fatkeqësitë më vdekjeprurëse në territoret e aleancës që nga themelimi i NATO-s.

“Në emër të NATO-s, dëshiroj të përcjell ngushëllimet e mia më të thella dhe më të sinqerta për popullin turk dhe për familjet dhe të dashurit e personave që humbën jetën në këtë fatkeqësi. NATO është bashkë me Türkiye-n në momentin kur keni nevojë”

Ai theksoi se në mesin e ekipeve të kërkim-shpëtimit që mbërritën në Türkiye, përfshihen zjarrfikës dhe ekspertë mjekësorë. Sekretari i përgjithshëm po ashtu falenderoi edhe anëtarët që dërgopi ndihma, ku ndër vendeve të tjera përfshiu edhe shqipërinë.

“Aleatët e NATO-s vazhdojnë të japin mbështetjen e tyre. Sigurisht që ata ndihmojnë edhe në aspektin mjekësor për të plagosurit që duhet të transportohen nga atje në përpjekjet e kërkimit.Shqipëria, Kanadaja, Gjermania vazhdojnë mbështetjen në mënyrë të ndryshme financiare dhe të ndihmës.

Sigurisht që qytetarët tanë në të gjitha vendet e NATO-s po organizojnë fushata të donacioneve për të transferuar miliona euro për turkinë . Të gjitha këto janë një simbol i solidaritetit tonë”.

Vetëm në Turqi, më shumë se 50.000 ndërtesa janë shkatërruar apo dëmtuar rëndë, si pasojë e dridhjeve të tokës.

Rrëfimet e fëmijëve të mbijetuar nga tërmeti në kufirin turko-sirian kanë habitur dhe njëherësh kanë mrekulluar opinionin publik në Turqi e më gjerë. 

Në rrjetet sociale shkruhet masivisht se fëmijët i ka ndihmuar vetëm mrekullia, të tjerë janë të bindur se ata i ka ndihmuar dora e Zotit. 

Disa histori gati te pabesueshme po qarkullojnë gjatë këtyre ditëve.

E para ishte ajo e një vajze 6 vjeçare në Turqi me emrin Miraj, e cila pasi u nxor nga rrënojat në gjendje të mirë ka treguar me zë sesi një burrë me mjekër të bardhë dhe një kalë u kujdes për të gjatë 3 ditëve e ngecur nën beton. 

Një gazetar e ka pyetur vajzën e vogël nëse kishte pasur uri, por ajo i përgjigjet se burri e ushqeu, madje ka thënë se ai mbante mbi shpinë murin e shtëpisë që ajo të mos rrëzohej. Vajzës së vogël i janë bërë analizat dhe ka rezultuar se trupi i saj ka pasur proteinat e duhura.

Edhe një tjetër vajzë e vogël tregoi se një grua e bukur e ushqeu, i dha ujë, luajti bashkë me të dhe i tha mos të frikësohet frikë se do të shpëtonte, ndërkohe mbante shtëpinë të mos shembej. Vajza tha se kur erdhi ekipi i shpëtimit gruaja u zhduk. 

Në një tjetër rast, 12-vjeçarja Ejlyl, u shpëtua nga rrënojat e pallatit 8 katësh në Gaziantep pas 147 orësh.

Eylyl, u konstatua se ishte gjallë pasi zëri i saj u dëgjua nga aparatet e specializuara audio. Në ambulancë punonjësit e shpëtimit e pyetën 12-vjeçaren nëse kishte uri, por përgjigja që morën i shtangu. Jo tha vajza, jam e ngopur, kam ngrënë. E mitura u dërgua në spitalin shtetëror të Nizipit në Turqi.

Kryqi i Kuq bëri thirrje për mbi 700 milionë dollarë ndihmë për viktimat e tërmeteve vdekjeprurëse që goditën javën e kaluar Turqinë dhe Sirinë.

Federata Ndërkombëtare Kryqit të Kuq dhe Shoqërive të Gjysmëhënës së Kuqe tani vlerëson se do të duhen 702 milionë dollarë për të ndihmuar në krizën humanitare në këto dy shtete. Para një jave, organizata tha se duheshin afër 200 milionë dollarë për këtë katastrofë natyrore.

Tërmeti prej 7.8 ballësh i 6 shkurtit – që u pasua nga një tërmet tjetër prej 7.5 ballësh dhe qindra dridhje të tjera të tokës – ka vrarë pothuajse 40.000 persona në juglindje të Turqisë dhe disa pjesë të Sirisë së shkatërruar nga lufta civile 12-vjeçare.

“Ndikimi i plotë i këtyre tërmeteve ende nuk dihet saktësisht”, tha sekretari i Përgjithshëm i Kryqit të Kuq, Jagan Chapagain, i cili aktualisht po viziton komunitetet e prekura nga tërmetet në dy shtetet.

“Situata në terren po ndryshon shpejt dhe nevojat po rriten për çdo minutë”, tha ai, duke theksuar se “për të mbijetuarit, këto janë momentet më të vështira në jetën e tyre dhe rruga e shërimit do të jetë një rrugë e gjatë”.

Kryqi i Kuq tha se Gjysmëhëna e Kuqe siriano-arabe dhe ajo turke kanë punuar “pa pushim për të mbështetur komunitetet e prekura” nga tërmetet.

Nevojat më urgjente për të mbijetuarit janë ofrimi i strehimit, kujdesit shëndetësor, por edhe ushqim dhe ujë, tha Kryqi i Kuq.

Gjysmëhëna e Kuqe turke ka dislokuar mbi 5.000 pjesëtarë të stafit dhe vullnetarë, të cilët kanë shpërndarë mbi 31 milionë shujta të ngrohta dhe u kanë ofruar strehim emergjent të mbijetuarve të tërmeteve.

Në Siri janë afër 4.000 vullnetarë dhe staf që janë dërguar në zonat më të prekura nga tërmetet, ku gjenden 365.000 persona që janë nevojë për ndihmë emergjente./REL

Halil Ibrahim Gokpinarit iu deshën 20 minuta për të dalë nga rrënojat e shtëpisë së tij të shembur në Kahramanmaras, Turqi pas tërmetit që goditi më 6 shkurt.

“Ishte natë, por pashë një lloj drite dhe një hapësirë, u përpoqa të hapja vrimën dhe dola”, ka thënë ai për Euronews.

Por sapo ai u lirua, u desh të tentonte me shpejtësi për të shpëtuar gruan e tij Cigdem dhe fëmijën që ishin ende nën rrënojat e asaj që dikur ishte shtëpia e tyre.

Ai duhej të përdorte duart e tij “të zhveshura” për të gërmuar nëpër rrënoja.

“Buzët e saj ishin të purpurta. Ishte e qartë se nuk kishte oksigjen. Ajo nuk po i përgjigjej zërit tim”, kujton ai me lot në sy.

“Më pas e çuam në spitalin tjetër të qytetit dhe kur arritëm atje – nuk mund ta përshkruaj tmerrin atje. E morën gruan time brenda. Harrojini shtretërit, karriget dhe barelat. Nuk kishte vend për ta vendosur për shkak të trupave të pajetë dhe pacientëve. Më duhej t’i shtyja njerëzit mënjanë dhe ta vendosja në tokë”, tregon ai.

Gruaja e Halilit iu nënshtrua operacionit të martën dhe është ende në Kujdes Intensiv.

Por shumë në këtë qytet nuk janë aq me fat.

Dhjetë ditë pas tërmetit në Siri dhe Turqi, shifrat janë tronditëse: më shumë se 40,000 të vdekur dhe qeveria turke vlerëson se 50,000 shtëpi janë shkatërruar ose dëmtuar rëndë.

Në Adana, shumica e spitaleve funksionojnë me kapacitet të kufizuar dhe disa anëtarë të familjes janë fjalë për fjalë ‘duke kampuar’ aty pranë, duke pritur që të dashurit e tyre të shërohen.

Ndërkohë qindra mijëra njerëz nuk kanë çati mbi kokë.

Të shpëtosh dikë sot duket pothuajse një mrekulli, megjithatë një 74-vjeçar u shpëtua pas 227 orësh nën rrënoja në Kahramanmaras të mërkurën.

Qeveria turke ka hedhur poshtë pretendimet se kishte probleme në koordinimin e operacioneve të shpëtimit – ose se ata madje i kanë ndalur përpjekjet – duke këmbëngulur se ka mbi 76 vende me ekipe ende në terren.

Vullnetarët në Gaziantep të Turqisë po ndërhyjnë për të ndihmuar në përpjekjet për lehtësimin e tërmetit, duke përfshirë operacionet e kërkimit dhe shpëtimit, shpërndarjen e ushqimit dhe ngritjen e strehimoreve të përkohshme për të mbijetuarit, përcjell Bota sot.

Mes tyre është edhe Levant, pjesëtar i ekipit të kërkim-shpëtimit.

“Doja të largohesha nga Turqia dhe të emigroja në Evropë”, tha ai për Al Jazeera.

“Por tani dua të qëndroj dhe të jem vullnetar për muajt e ardhshëm. Pasi të mbarojnë operacionet e shpëtimit, dua të vazhdoj të jem vullnetar në fusha të tjera për të mbështetur njerëzit e mi.”

Kryeministri i Pakistanit Shehbaz Sharif ka njoftuar se po fluturon për në Turqi “me një mesazh solidariteti dhe mbështetje të palëkundur për vëllezërit dhe motrat tona turq nga populli dhe qeveria e Pakistanit”.

“Të vërtetë ndaj frymës së një kombi që jeton në dy shtete, ne e konsiderojmë humbjen e tyre si tonën”, shkroi ai në Twitter, duke i bërë gjithashtu thirrje “botës” që të ecë përpara me ndihmë.

Më shumë se 90 vende kanë dërguar ekipe ndihme dhe ndihme në Turqi për t'u marrë me pasojat e tërmeteve të javës së kaluar.

Armenia i ka zgjatur “dorën miqësore” Turqisë pas tërmeteve të dyfishta të javës së kaluar që deri më tani kanë marrë jetën e më shumë se 35,400 njerëzve në vend, tha ministri i Jashtëm turk, Mevlut Cavusoglu.

“Armenia zgjati dorën e miqësisë në këtë moment të vështirë dhe tregoi solidaritet e bashkëpunim”, tha Cavusoglu në një konferencë shtypi me homologun armen, Ararat Mirzoyan.

Cavusoglu tha se vizita e Mirzoyan në Turqi ishte e rëndësishme gjersa tregoi se në zonat ku ka rënë tërmeti gjendet një ekip kërkim-shpëtimi armen prej 28 personash.

Kryediplomati turk deklaroi se armenët po vazhdojnë të kontribuojnë në qytetin e Adiyamanit. “Ata dërguan 100 tonë ndihma humanitare dhe thanë se do të dërgonin edhe më shumë”, shtoi ai.

Kujtojmë se shteti turk e kishte ndihmuar Armeninë në tërmetin e vitit 1988.

Ndryshe, Turqia dhe Armenia kanë ndërprerë marrëdhëniet diplomatike. Në vitin 1915, gjatë Luftës së Parë Botërore, udhëheqësit e qeverisë turke vunë në lëvizje një plan për të dëbuar dhe masakruar armenët. Në fillim të viteve 1920, kur gjenocidi përfundimisht përfundoi, midis 600 mijë dhe 1.5 milion armenë kishin vdekur, dhe shumë të tjerë u larguan me forcë nga vendi.

Që nga viti 2023, qeveritë dhe parlamentet e 34 vendeve – duke përfshirë Argjentinën, Brazilin, Kanadanë, Francën, Gjermaninë, Italinë, Meksikën, Rusinë dhe Shtetet e Bashkuara – kanë njohur zyrtarisht gjenocidin ndaj armenëve.