Dy trena në rrjetin rajonal hekurudhor të Zvicrës dolën nga shinat sot, vetëm disa dhjetëra kilometra larg njëri-tjetrit, në lokacione në veri të kryeqytetit, duke plagosur disa persona, tha policia në kantonin e Bernës.
Të paktën një person i plagosur rëndë është në mesin e të lënduarve, sipas policisë kantonale.
Aksidenti pranë Lüscherz u raportua rreth orës 16:30, sipas një zëdhënësi të policisë kantonale të Bernës.
Pjesa e pasme e trenit doli nga shinat dhe vagonët e prekur u përmbysën në anën e djathtë. Ambulanca dhe zjarrfikësja ndodhen në vendngjarje.
Linja hekurudhore e prekur është e mbyllur deri në një njoftim të dytë. Treni i përplasur i operatorit hekurudhor Aare Seeland mobil (ASM) po udhëtonte në drejtim të Biel.
Dyshimet janë se aksidenti ka ndodhur për shkak të stuhisë.
