Presidenti rus Vladimir Putin zotëron një vilë luksoze peshkimi në Finlandë, por nuk ka gjasa ta përdorë ndonjëherë atë.
Vila e braktisur ndodhet në bregun e liqenit Saimaa në Finlandën juglindore, e cila është ndërtuar për Putinin nga miku i tij i ngushtë dhe për të janë shpenzuar rreth 3.2 milionë dollarë, shkruan media e pavarur ruse Insider. Vila trekatëshe ka një ashensor, një bodrum vere, një garazh nëntokësor, një sauna, një pishinë private, një dhomë bilardo, një zyrë dhe tetë tualete. Por rezidenca nuk u përfundua kurrë, thotë gazetari i Insajderit Sergej Kanev.
Kanev hyn në ndërtesën e braktisur nga një derë e hapur. Brendësia është e mbushur me skela, materiale ndërtimi, pllaka, shkallë, sende të bardha dhe mobilje. Gjithçka duket sikur mjeshtrit sapo janë larguar nga kantieri.
Gazetarët hasën gjithashtu në një kuti misterioze në të cilën shkruhet në rusisht:
"Mos i prekni këto kuti pa lejen time".
Ndërtimi i vilës u financua nga një mik i vjetër i Putinit nga Universiteti Shtetëror i Leningradit, Viktor Khmarin, i cili tani po lobon për liderin rus. Gjatë studimeve, ata shkonin së bashku në festa dhe ishin partnerë në mundje. Khmarin tani është CEO i kompanisë më të madhe të hidrocentraleve në Rusi dhe është i martuar me kushëririn e Putinit, sipas Forbes. Khmarin ndërtoi kabinën luksoze në Finlandë në mënyrë që Putini të mund të kalonte më shumë kohë me të.
Ndërtesa kryesore kushtoi rreth 541 mijë dollarë, shtëpia e sigurimit 216 mijë dollarë, materialet e ndërtimit kushtojnë 432 mijë dollarë, si dhe ka ura të ndryshme prej druri, shtigje dhe një shtëpi peshkatari që zbukurojnë ambientin.
