LIVE: Sulmi rus në qytetin e Zelenskit vret gjashtë persona

Rastësi? Teori Konspirative? Teksa mbahej samiti Afrikë-Rusi në Shën Petersburg, ushtria organizonte një grusht shteti në Niger. Realisht, e parëndësishme, megjithatë, siç shkruan “Jutarnji List”, ka diçka që i lidh patjetër dy ngjarjet.

Duket se tani, me Nigerinë, një brez nga Oqeani Atlantik në Detin e Kuq, i cili është nën ndikimin e fortë të Rusisë. Instituti Robert Lansing nuk ka dyshime se Moska qëndron pas përmbysjes së qeverisë në Niger, sepse presidenti i mëparshëm Muhamed Bazoum nuk e miratoi përfshirjen e Wagner.

Yevgeny Prigozhin shkroi në aplikacionin e mesazheve Telegram se "Nigeri po fiton pavarësinë dhe po shpëton nga kolonizatorët".

Grupi mercenar Wagner ndodhet në rajon që nga mesi i dekadës së fundit dhe lidh kontrata me autoritetet lokale për të drejtën e nxjerrjes së burimeve natyrore dhe kur lindin probleme, inkurajojnë ushtrinë të bëjë grusht shteti. Nigeria ka një rëndësi të veçantë në këtë drejtim, sepse Franca plotëson rreth 40 për qind të nevojave të saj për uranium prej vendit.

Tani që udhëheqja ushtarake e vendit ka marrëdhënie të ngushta me Rusinë, kjo ngjarje e kthen veriun e Afrikës në një kërcënim edhe më të madh për Evropën.

Nga njëra anë, kjo i referohet grupeve terroriste, mbijetesa e të cilëve do të garantohet me kusht që t'i drejtojnë aktivitetet e tyre drejt Evropës, jo drejt Rusisë apo vendeve partnere të saj.

Një çështje tjetër është vazhdimi i migrimit të pakontrolluar, i cili është një kërcënim i vazhdueshëm për BE-në.Moska po tregon kështu se mund të veprojë ende në dëm të Perëndimit madje vazhdimisht dhe me pasoja afatgjata, edhe në një kohë kur situata në fushën e betejës në Ukrainë s’është aspak në favor të saj.

Ukraina pret që Rusia të rifillojë sulmet ndaj sistemit të saj energjetik gjatë këtij viti, ka thënë Volodymyr Zelensky.

Gati 40 për qind e rrjetit energjetik të vendit u dëmtua nga sulmet me raketa dhe drone ruse gjatë dimrit të kaluar, gjë që shkaktoi errësirë në disa qytete dhe mos furnizim me ngrohje të shtëpive.

Presidenti ukrainas u zotua të bëjë gjithçka që është e mundur për të mbrojtur rrjetin elektrik dhe paralajmëroi zyrtarët se “duhet të jenë gati” për sulmet e reja ruse, raporton skynews.

“Është e qartë se këtë vjeshtë dhe…në dimër armiku do të përpiqet të përsërisë terrorin kundër industrisë së energjisë ukrainase”, tha ai para zyrtarëve të lartë të qeverisë, sigurisë dhe rajonal.

“Ne duhet të jemi gati për këtë në çdo rast. Në nivel qeveritar dhe sigurie, ne do të bëjmë gjithçka që është e mundur”, deklaroi lideri ukrainas.

Kievi thotë se Rusia e përdor këtë strategji për të dëmtuar civilët – gjë që do të përbënte një krim lufte.

Por, Moska ka thënë se ka nisur sulmet për të zvogëluar aftësinë e ukrainasve për të luftuar.