Video dramatike tregon lumin me baltë që shpërtheu brigjet e tij dhe u përplas në një rrugë pas shiut të dendur që ra në qytetin Bardonecchia, afër Torinos në luginën Val di Susa.
Banorët e tmerruar shihen duke vrapuar për të shpëtuar jetën e tyre pasi ‘cunami i madh i baltës’ u përplas në një port detar dhe mbeturinat ‘fluturonin’ drejt tyre.
Guvernatori rajonal i Piemontes, Alberto Cirio tha se dëmi ishte i konsiderueshëm dhe se tashmë kishte kërkuar ndihmë nga qeveria kombëtare.
Ekipet e mbrojtjes civile kanë nisur tashmë largimin e mbeturinave nga rrugët dhe po e kontrollojnë situatën rreth lumit Frejus, raporton dailymail.
Zjarrfikësit thanë se ekuipazhet kishin shpëtuar gjashtë persona nga një kamping i përmbysur gjatë natës pasi u përfshi nga rrëshqitja e dheut.
Bardonecchia, e cila gjendet në një lartësi mbidetare prej 1300 metrave, është një destinacion popullor si për sportet malore dimërore ashtu edhe për shëtitjet verore.
