Në raportin e fundit të Ministrisë Britanike të Mbrojtjes për ngjarjet në fushën e betejës ukrainase, theksohet se ushtria ruse po përballet me një krizë të shëndetit mendor.
“Që nga dhjetori i vitit 2022, psikologët rusë kanë identifikuar rreth 100,000 personel ushtarak që vuanin nga çrregullimi i stresit post-traumatik (PTSD),” tha ai.
Ata besojnë se ky numër tani është pothuajse me siguri më i lartë sepse ushtria ruse po dështon të sigurojë rotacion dhe rimëkëmbje të mjaftueshme. Ish gjenerali rus Ivan Popov vuri në dukje këtë problem. Ai u lirua nga detyra në korrik 2023.
“Ka indikacione shtesë që mjekët në Rusi po dërgojnë personel ushtarak që nuk është i aftë për të luftuar në front. Ankesat kundër komisioneve mjekësore ushtarake ruse janë më të larta në 2023 sesa në 2022, dhe shumë raste u refuzuan ose pretendimet u hodhën poshtë”, thuhet në raport.
Për këtë arsye, theksojnë britanikët, efektiviteti luftarak i Rusisë është ende nën nivelin optimal.
