Me iniciativën e Gjykatës Kushtetuese të Bullgarisë, në tetor do të ngrihet Forumi kushtetues ballkanik si vazhdim i bashkëpunimit të mirë me gjykatat kushtetuese të vendeve fqinje ballkanike.
Forumi do të jetë një mjet për shkëmbimin e ideve, praktikave të mira dhe përvojës në të drejtën kushtetuese, njoftoi Gjykata Kushtetuese bullgare të martën.
Takimi i parë vjetor do të zhvillohet në hotelin “Milenium” të Sofjes më 27 tetor me gjyqtarë kushtetues nga Shqipëria, Bosnja dhe Hercegovina, Bullgaria, Greqia, Kosova, Rumania, Maqedonia e Veriut, Turqia, Kroacia dhe Mali i Zi.
Në forumin në Sofje do të marrin pjesë kryetari i Gjykatës së Drejtësisë së Bashkimit Evropian Koen Lanaerts, Marko Bosnjak, nënkryetari i Gjykatës Evropiane për të Drejtat e Njeriut dhe zëvendëspresidentja e Komisionit Evropian Vera Jourova.
Zëvendëskryeministrja Mariya Gabirel dhe ministri i Drejtësisë Atanas Slavov do t'u drejtohen pjesëmarrësve në forum.
