LIVE: Nuk ndalen bombardimet në Ukrainë, zbulohet plani i ri Putinit: Ja kë do të dërgojë në front!

Ukraina duhet të mbizotërojë si një komb sovran dhe i pavarur në Europë dhe është në interesin e të gjithëve ta mbështesin atë, tha Sekretari i Përgjithshëm i NATO-s, Jens Stoltenberg.

Duke mbërritur në Këshillin e Ministrave të Mbrojtjes të BE-së në Bruksel, ai vuri në dukje se Vladimir Putin nuk mund të fitojë.

I pyetur nëse disa nga aleatët e Ukrainës do të donin të fillonin bisedimet me rusët, Jens Stoltenberg u përgjigj se i takon Ukrainës të vendosë se cilat janë kushtet e pranueshme për negociata dhe më e rëndësishmja cilat janë kushtet e pranueshme për çdo marrëveshje.

“Përgjegjësia e aleatëve të NATO-s është të mbështesin Ukrainën për të mbrojtur veten, sepse kjo është gjithashtu në interesin tonë për të treguar se ne mbrojmë sundimin e ligjit dhe të drejtën ndërkombëtare”, shtoi ai, duke theksuar se “luftërat janë të paparashikueshme. Askush nuk mund të thotë se si dhe kur do të përfundojë kjo luftë”.

“Ajo që mund të themi është se gjasat për një rezultat të pranueshëm nga negociatat rritin më shumë mbështetjen ushtarake që duhet t’i jepet Ukrainës, sepse deri më tani nuk kemi parë një gatishmëri reale nga Presidenti Putin për të negociuar një zgjidhje të pranueshme për Ukrainën.

Pra, e vetmja mënyrë për ta bërë këtë është të bindësh Presidentin Putin se ai nuk do të fitojë në fushën e betejës.

Dhe e vetmja mënyrë për ta arritur këtë është duke forcuar aftësinë ushtarake të Ukrainës, duke ofruar mbështetje,” theksoi ai.

Bashkimi Evropian nuk do të arrijë synimin për të furnizuar Ukrainën me 1 milion predha artilerie dhe raketa deri në mars të vitit të ardhshëm, tha të martën ministri gjerman i Mbrojtjes, Boris Pistorius.

Derisa ka mbërritur në takimin e ministrave të mbrojtjes së BE-së në Bruksel, ai gjithashtu kritikoi vendosjen e këtij synimi në mars të këtij viti në një afat prej 12 muajsh.

Këto komente paraqesin pranimin e parë publik nga një ministër i lartë në Bashkimin e Evropian se synimi nuk do të përmbushej, megjithëse rreth këtij synimi diplomatët dhe zyrtarët kanë shprehur skepticizëm privatisht për muaj të tërë.

Synimi ishte vendosur si përgjigje e nevojës urgjente dhe të vazhdueshme të Ukrainës për predha artilerie prej 155 milimetrash, të cilat janë bërë element kyç për Ukrainën në luftën e saj kundër pushtimit rus.

“Unë nuk i premtova 1 milion predha, dhe kjo ishte synim. Pyetja që do të duhej bërë ishte nëse 1 milion [predha] ishte synim realist”, u tha Pistorius gazetarëve.

“Kishte zëra që paralajmëronin: “Më mirë keni kujdes, është e lehtë të thuhet 1 milion, paratë janë në dispozicion, [por] prodhimi duhet të jetë atje".

Sipas ministrit gjerman këto paralajmërime janë vërtetuar tani “fatkeqësisht".

"Është e sigurt të supozohet se 1 milion predha nuk do të arrihen", shtoi ai.

Synime ambicioze

Disa zyrtarë kanë thënë se industria evropiane nuk kishte kapacitete prodhuese për të përmbushur këtë synim.

Por, gjithashtu disa të tjerë kanë mbështetur vendosjen e një objektivi ambicioz që inkurajonte vendet të bënin porosi si dhe kompanitë të investonin në rritjen e kapaciteteve.

Ministrat e tjerë që mbërritën nuk e kundërshtuan ministrin gjerman.

Shefi i politikës së jashtme të BE-së, Josep Borrell, tha se blloku kishte siguruar më shumë se 300.000 predha artilerie dhe raketa sipas pistës së parë të skemës, e cila përfshinte shtetet anëtare të BE-së që dërgonin nga rezervat e tyre.

Ai tha se tani fokusi ishte në elementin e dytë të skemës - vendet e BE-së porositin predha të reja nga industria nën një iniciativë të përbashkët prokurimi.

BE-ja po përpiqej të kishte një kuptim më të mirë se sa predha do të jepnin, tha ai.

"Është një bashkëveprim në mes të industrisë dhe vendeve anëtare. Puna është në proces", u tha ai gazetarëve.

Agjencia Evropiane e Mbrojtjes e BE-së tha në fund të shtatorit se shtatë vende të BE-së kishin porositur municione sipas skemës derisa duke përmendur konfidencialitetin nuk dha vlerën ose vëllimin e porosive.

Borrell sugjeroi se një pjesë e problemit ishte se industria evropiane e mbrojtjes eksportonte rreth 40% të prodhimit të saj në vendet që janë jashtë BE-së.

"Ndoshta ajo që duhet të bëjmë është të përpiqemi ta zhvendosim këtë prodhim në prioritet, që janë ukrainasit", tha ai.

Komisioneri i BE-së për industrinë, Thierry Breton, tha se kompanitë e armëve po bënin përparim në rritjen e prodhimit./REL

Ai tha se do të përmbushej një synim i veçantë për të rritur prodhimin evropian të predhave 155 milimetra deri në 1 milion në vit./REL

Roman Tscherwynsky është një ish-agjent i shërbimit sekret ukrainas, i cili ka shërbyer në forcat speciale për vite. Njeriu i cili ngarkohej për misionet e ndërlikuara, por a përfshihet në këto operacione edhe sulmi në tubacionet e gazit Nord Stream?

“DerSpiegel” dhe “Washington Post” raportojnë se Tschervynsky dyshohet se ka qenë i përfshirë në shpërthim. Në qarqet e sigurisë ai quhet “koordinator” pas sulmeve.

Sipas fazës aktuale të hetimit, në shtator 2022 një njësi komanduese prej gjashtë anëtarësh shënjestroi tubacionet në fund të Detit Baltik. Zhytësit dhe specialistët e eksplozivëve thuhet se kanë marrë me qira anijen me vela “Andromeda” në Rostock dhe kanë nisur lundrimin me të. Në një operacion që zgjati gati tre javë, mjete shpërthyese u vendosën në tre nga katër tubacionet e tubacionit në fund të Detit Baltik.

Sipas “DerSpiegel”, Tscherwynsky ishte përgjegjës për logjistikën e skuadrës së sabotazhit. Në të kaluarën, ai ishte anëtar i shërbimeve sekrete ukrainase SBU dhe GUR për shumë vite dhe ishte përgjegjës për veprime veçanërisht spektakolare.

Megjithatë, Tscherwynsky mohon përfshirjen e tij në këtë operacion

Në përgjigje të një pyetjeje nga “DerSpiegel”, avokati i tij hedh poshtë referencat për përfshirjen e supozuar, duke i quajtur: “Propagandë ruse”!

48-vjeçari aktualisht ndodhet në gjyq në Kiev. Ai akuzohet se ka tejkaluar autoritetin e tij në përpjekje për të bindur një pilot avioni luftarak rus të dezertojë.

Tscherwynsky ia kaloi koordinatat e fushës ajrore pilotit rus. Megjithatë, ai nuk dezertoi dhe përkundrazi i raportoi ato te ushtria ruse. Agjenti i shërbimit sekret ukrainas ra në një kurth rus! Kjo u pasua nga sulmet ruse në aeroport, në të cilat vdiqën dy forca të sigurisë dhe një ushtar ukrainas.

Mbështetësit dhe avokati i tij i përshkruajnë procedurat si të motivuara politikisht: 48-vjeçari më parë kishte shprehur kritika të qarta ndaj Presidentit Volodymyr Zelenskyj dhe atyre përreth tij.

Përfaqësuesi i Lartë i BE-së për Politikën e Jashtme dhe të Sigurisë, Josep Borrell, njoftoi se Komisioni duhet të propozojë paketën e dymbëdhjetë të sanksioneve kundër Rusisë këtë javë.

Borrell, pas takimit të ministrave të Punëve të Jashtme të vendeve anëtare të BE-së, tha se Komisioni mund të vendosë për këtë propozim në mbledhjen e të mërkurës dhe ta dërgojë atë për miratim në Këshillin e BE-së.

“Paketa e re e 12-të do të përfshijë ndalime të reja të eksportit, ndër të tjera, për diamantët, pastaj hapa të rinj për të kufizuar çmimet e naftës për të reduktuar të ardhurat e Rusisë nga shitja e naftës dhe masa të reja kundër shmangies së sanksioneve”, tha Borrell.

Që nga fillimi i agresionit rus kundër Ukrainës, në shkurt të vitit të kaluar, Bashkimi Evropian ka miratuar 11 paketa sanksionesh kundër Rusisë.

Në anën tjetër, luftimet mes ukrainasve dhe rusëve janë duke vazhduar në pothuajse çdo pjesë të territorit të Ukrainës, duke raportuar për të vrarë dhe plagosur nga të dyja palët.

Tre persona u vranë dhe gjashtë të tjerë u plagosën, në mesin e të cilëve edhe një foshnje, gjatë bombardimeve në qytetin jugor të Ukrainës, Herson, tha të hënën guvernatori lokal, Oleksandr Prokudin.

Në fund të vitit të kaluar, trupat ruse e braktisën qytetin e Hersonit dhe bregun perëndimor të lumit Dnjepër, por tani po i granatojnë rregullisht këto zona nga pozicionet në bregun lindor.

Dy persona u vranë dhe katër të tjerë u plagosën gjatë granatimeve në pjesën qendrore të qytetit, tha Prokudin në Telegram.

Në një tjetër mesazh, guvernatori tha se një spital në qytet u sulmua nga rusët, ndërsa më herët të hënën një veturë u qëllua në periferi të Hersoni, ku mbeti i vrarë një person dhe u plagosën një foshnje dymuajshe dhe nënën e saj

Ndërkohë, Ushtria e Ukrainës tha të shtunën vonë se situata në lindje dhe në jug të vendit “mbetet e vështirë”, duke përmendur sulmet e shpeshta ajrore dhe raketore ruse, në ditën kur Ukraina e shënoi përvjetorin e parë të çlirimit të qytetit strategjik, Herson./REL