Teksa Rusia vazhdon sulmin e saj në pothuajse të gjitha anët e qytetit lindor të Avdiivka, tani ka më shumë informacione për numrin e të plagosurve në anën e Moskës.
Një konferencë nga Ministria e Mbrojtjes e Britanisë tha se vlerësimi i Ukrainës për numrin e viktimave ditore ruse është rritur nga 776 në mars në 931 këtë muaj.
“Edhe pse Inteligjenca e Mbrojtjes nuk mund të verifikojë metodologjinë, e marrë në total duke përfshirë të vrarët dhe të plagosurit, shifrat janë të besueshme”, tha ministria, raporton The Independent.
“Gjashtë javët e fundit ka të ngjarë të kenë parë disa nga normat më të larta të viktimave ruse të luftës deri më tani. Humbjet e rënda janë shkaktuar kryesisht nga ofensiva e Rusisë kundër qytetit të Donbasit të Avdiivka”.
